Page 7 - Brandweer

informacion extra via di medionan di comunicacion na nos comunidad.
Hecho ta keda si cu e muchanan ta esunnan cu ta yuda masha hopi den transmiti e informacion
importante di prevencion den nan casnan, unda cu nan ta corda e adultonan por ehempel pa paga stoof y
belanan, etc. Cuerpo di Bombero ta hopi contento cu e “partnership” special cu nan tin cu e miembronan
mas hoben den nos comunidad y ta contento semper pa tin intercambionan, sea ta na scol of durante di
nan bishita na kazerne como grupo di scol of vakantiekamp, cu nan.
Cuerpo di Bombero Aruba ta existi desde aña 1976, como un departamento independiente. Prome cu
esey e tabata parti di e trabounan di Polis. Awendia e ta conta cu 160 empleado, di cual 112 ta traha
activamente cu combatimento di candela. E empleadonan ta parti den 3 diferente post, situa na San
Nicolas, na Aeropuerto y na Tanki Flip. Pa aña nan ta responde na mas o menos 1600 melding, cu ta
varia entre combatimento di candela, rescate, yudansa special y trabounan na aeropuerto.

http://www.24ora.com/local-mainmenu-5/95481-cba-cuerpo-di-bombero-ta-traha-dia-y-anochi-pa-
rescata-y-salba-bida-di-hende-y-bestia