Page 12 - McDonalds

Alvaro de Marichalar a inclui Aruba riba su tour di 25 pais
Publication: Monday, 18 January 2016. Categoria: General
McDonald’s ta apoya expedicion di Jet Sky nabegando rond mundo

ORANJESTAD (AAN): E nabegante Europeo Alvaro de Marichalar a yega Aruba riba cu jet sky
Numancia. Aruba ta un di e stopnan riba su trayectorio maritimo “Expedicion di Descubrimento
Europeo di Florida y Oceano Pacifico”.
Durante di su estadia cortico na nos isla, Marichalar a gradicidi Arcos Dorados, e compania cu ta
opera McDonald’s na Aruba y den Latino America pa e apoyo cu nan ta brind’e den su recorido
na e paisnan unda cu e compania tin restaurantnan McDonald’s. Ademas, el a confirma su sosten
na e Fundacion Ronald McDonald House na Colombia y Puerto Rico.
Diabierna merdia Alvaro de Marichalar a yega Aruba, unda e personal di Guarda Costa di Caribe
Hulandes a compañ’e bin paden, cu su bandera di Aruba den su man. Na su yegada Minister di
Asuntonan Asunto social, Hubentud y Labor, Drs. Paul Croes, compaña pa Secretario di
Conseho di ministronan, mr. Nicole Hoevertsz y alavez desde 2006 ta miembro di e Comite
Olimpico Internacional. A regala e nabegante un bandera di Aruba, un pin olimpico y un polo
shirt di Comite Olimpico di Aruba, cu el a aprecia masha.
Durante di su tour, e nabegante Spaño ta riba lama su so riba jet sky, cu tin un largura di apenas
tres meter. El a pasa via di e costa di 25 pais y ta planea di caba su recorido riba dia 25 di januari
2016 na e luga exacto di unda cu el a sali, esta San Juan de Puerto Rico. Na su yegada, e a
completa casi ful e buelta di Lama Caribe y ta establece su di 13 record mundial. Pa e deportista
y academico di Real Academia de la Mar di Spaña, e recorido aki ta su di 40 expedicion y su di
12 record mundial den nabegacion.