Page 41 - min.jus july 3 2015
P. 41
Ex agente policial a haya 24 luna di castigo di cual 6 ta
condicional pa secuestro di su propio yiu
Publication: Friday, 3 July 2015. Categoria: Judicial
ORANJESTAD (AAN): Diahuebs atardi huez a duna su veredicto den un caso contra ex agente
policial S.D.M.R naci na Corsow y biba na Aruba.
El a wordo acusa di den e periodo di 5 di April 2013 na Aruba, Curacao of Hulanda,
conhuntamente cu un otro of otronan, a intencionalmente kita un mucha bao 12 aña di edad for di
bao di e persona cu tin autoridad legal riba dje, dor di a tene na algun lugar na Curacao y
siguientemente na algun lugar na Hulanda of Europa.
Banda di esaki el a wordo acusa di den e periodo di 5 di April 2013 na Aruba, Curacao of
Hulanda, o sea Europa of mundo, a intencionalmente sconde e mucha en cuestion, cu a wordo
kita for di bao di e persona cu tin autoridad legal riba dje, pa husticia y polis no haye, dor di,
conhuntamente cu un otro of otronan, pone e mucha na adresnan desconoci pafor di Aruba.
Ta trata di su propio yiu muher kende e tempo ey tabata tin 4 aña y mey.
S.R a wordo gara ora cu famia di dje mes na Hulanda a yama polis pa bisa unda e ta.
Polis a yega, a detene S.R y temporalmente a pone e mucha den man di mayornan di pareha
Hulandes actual di e muher.
Dia 11 di Juni fiscal a exigi un castigo incondicional contra S.R di 30 luna kitando e tempo cu el
a sinta caba den detencion preventivo y Diahuebs huez a haya e acusado culpable di e hechonan.
Huez a condena S.R na un castigo di 24 luna, di cual 6 luna ta condicional.
Remarcable ta cu despues cu e sentencia a cay, e homber a puntra huez si ainda su vakantiegeld
ta blokea y ki dia e lo haya esaki.
http://www.diario.aw/2015/07/ex-agente-policial-a-haya-24-luna-di-castigo-di-cual-6-ta-condicional-pa-
secuestro-di-su-propio-yiu/
