Page 44 - min.jus july 3 2015

Tres sospechoso declara liber y e otronan a haya 18 y 20
luna di castigo pa atraco arma cu violencia y arma

Publication: Friday, 3 July 2015. Categoria: Judicial

ORANJESTAD (AAN): Diahuebs huez a duna su veredicto den un caso contra e
sospechosonan J.K, J.J.A.H, A.J.J.V., R.D.M.C y J.M.J.H.

Nan a wordo acusa di, conhuntamente cu un otro of otronan, ladronicia cu violencia den un cas
di un telefon celular y/of un cadena di oro y/of backpack(s) di un of dos persona riba 30 di
November 2013.

E violencia a encerca cu a drenta camber di e personanan cu arma(nan) di candela den man y a
ranca e cadena di oro for di nek di un di e personanan y a grita: “Where is money?” y/of
“Money, give me money”.

Banda di esaki J.K. a wordo acusa di tabatin un arma (un air soft pistol) den publico riba 5 di
December 2013.

Diahuebs huez a haya cu no tabata tin suficiente prueba contra J.H, A.V ni contra R.C.

El a declara nan liber di tur acusacion.

J.K y J.H si a wordo haya culpable.

Huez a condena J.K na un castigo di 20 luna di prison den e seccion hubenil di KIA, di cual 6
luna ta condicional.

Esaki, kitando e tempo cu el a sinta caba den detencion preventivo.

J.H a haya un castigo di prison hubenil di 18 luna, kitando e tempo cu el a sinta caba den
detencion preventivo.

http://www.diario.aw/2015/07/tres-sospechoso-declara-liber-y-e-otronan-a-haya-18-y-20-luna-di-
castigo-pa-atraco-arma-cu-violencia-y-arma/