Page 53 - MIN ARENDS
P. 53
anterior di e refineria. E empleadonan nobo di CITGO Aruba a wordo tuma den diferente
funcion manera unit supervisors, area maintenance supervisors y shift supervisors como
tambe personal admistrativo y di operacion incluyendo un SAP support system analyst y
varios tecnico di proceso. CITGO Aruba Refinery cu te cu awor ta premira pa cuminsa
operacion na final di 2018 actualmente ainda ta buscando riba e mercado laboral local pa
yena vacatura incluyendo un analista di presupuesto, un supervisor di marine, un
supervisor di projecto di medio ambiente y operadornan.
Esnan cu ta interesa pa aplica pa un di e posicionnan vacante na CITGO Aruba Refinery
mester bishita www.CITGO.com/Careers. Click riba Current Opportunities y selecciona
Aruba como bo localidad. Tocante CITGO Aruba CITGO Aruba Refining N.V. (CAR) ta
un compañia Arubiano cu ta forma parti di un grupo di compañia operando bou di PDV
Holding Inc., doño indirecto di CITGO Petroleum Corporation y subsidiario di Petróleos
de Venezuela, S.A., e compañia nacional di petroleo di e República Bolivariana di
Venezuela. CAR ta e operador di e refineria di Aruba, situa na San Nicolas, Aruba cu ta
propiedad di Refineria di Aruba N.V. (RdA), un entidad di cual Gobierno di Aruba ta
propietario absoluto.
