Page 27 - SOLON JUN 22

Pagina 28 Dialuna 22 Juni 2015

Solo di Pueblo... Noticia Local.....

Brazil Taekwondo Stichting su team di Train Hard

Fight Smart a train na Sero Colorado

Diasabra ultimo e team
di Brazil Taekwondo
Stichting cu ta biahando
pa Korea a cuminza
pone mas gasolin den e
training pa asina ta bon
prepara pa e Open di
Korea. Un cos ta sigur,
ta wordo getrain mas
duro y cu hopi enfasis
ariba forza. Korea no
ta cualkier pais den
Caribe manera nos ta
custumbra di biaha y midi
forza, e Korean Open ta
un campeonato G2 na
unda cu e mihornan ta
biaha pa asina por score
punto.

Mescos cu e Open USA
cu tambe ta G2. Brazil
Taekwondo Stichting su
meta ta pa e atletanan ta
bon prepara pa e Korean
Open aki y midi forza cu
e Koreanonan, si Alberto
Klabér por a gana contra
di un Koreano anto
algun atleta di Brazil
Taekwondo Stichting
tambe lo por. Na Korea
Henk Meijer tin e plan di
entrenamento pa e team
pa asina train cerca e
Koreanonan. Esaki ta
algo cu hopi pais ta haci,
busca e oportunidad
pa train hunto cu e
Koreanonan. Training
cu e Koreanonan ta hopi
hopi duro. Esaki ta nan
deporte nacional y nan
ta drumi y lanta ta train
Taekwondo. Antes niun
hende por a gana for di
un Koreano. Henk Meijer
ta e prome non-Koreano
cu a gana un Koreano
cu un KO den su mesun
Pais. E ijs ey a wordo
kibra. Awendia hopi pais
ta gana for di Koreano y
pronto Brazil Taekwondo
Stichting tambe.

Nos na Brazil Taekwondo
Stichting ta train duro y
nos tin añanan tras di
otro ta preparando pa
cualkier evento na nivel
mundial. Nos team ta
dinamico y ta haci nos
di Brazil Taekwondo
Stichting unico.