Page 2 - AWEMAINTA
P. 2
2 AWEMainta Diamars, 5 September 2017
Centro di Bario Brazil y Fundacion Bernadina
A sa di pone otro actividad folklorico
cultural den caya nan di Brazil
DEN ultimo fin di siman, Centro di Bario Brazil a sa di organisa
algun actividad cultural, manera e.o. e Parada di Laterna y dia-
domingo ultimo su Parada di Folklore-Cultural. Sigur e organisa-
dornan por wak atras riba un otro actividad folklorico exitoso.
Mientras aki fo, hopi ta bisa cu mester mantene “loke ta di nos”,
cu “mester proteha nos cultura y folklore, pero nan mes ta briya
cu nan ausencia.
Nos sigur kier felicita Centro di Bario Brazil, specialmente Chico
Harms cu un otro parada folklorico-cultural.
Contento di mira presente, Presidente di Parlamento, drs. Mervin
Wyatt Ras, kende a join cu varios otro boluntario cu Fundacion
Bernadina.
Y nos no por keda sin felicita esnan cu a traha riba e bunita carosa.
Tambe un palabra di elogio y reconocimento p’e costureranan,
participantenan y tambe e publico cu ta para canto di caminda
pa aprecia e parada y anima participantenan. Tambe nos DJ y
gruponan musical tipico pabien p’e bon presentacion.
