Page 4 - AWEMAINTA

4 AWEMainta Diamars, 5 September 2017

Ainda despues di a accidenta

Motociclista kier a baha

na awa, huyendo pa Polis

DIABIERNA ultimo, algo prome cu mei anochi,
un hoben motociclista coriendo den Kamerling On-
nestraat, a nota presencia di Polis, kendenan a duna
señal p’e para. Pero e hoben aki a dicidi pa no sigui
orden di Polis y a core bay, tumando Edisonstraat.

Pero debi n’e alto velocidad e no a pone atencion
riba un pida asera, cu e consecuencia cu el a perde
control bay dal den un auto para y asina a kita cay.
Asina mes, el a sigui core na pia, drentando Toricel-
listraat, ora cu Polis a pone man riba dje. Ora cu e
listra su rugtas, Polis a bin haya marihuana den esaki
y a dicidi di hiba pa Warda di Polis na Playa pa mas
investigacion, cu ta motibo cu el a keda deteni.