Page 8 - AWEMAINTA
P. 8
8 AWEMainta Diamars, 5 September 2017
Un persona te ainda desconoci a vloer un turista
DIASABRA algo pasa di mey anochi, patruya di Playa ta
wordo manda n’e snacktruck dilanti di Royal Plaza unda lo
tabatin un pelea y cu nan lo a dal un persona, cu esaki lo a
bay cay y dal su cabes hopi duro riba vloer.
Na yegada Polis enberdad ta bin topa cu un turista mas-
culino benta knock out riba vloer dilanti di e snacktruck.
N’e sitio nan ta bin compronde cu lo tabatin un pelea y e
turista a haya un mokete cu mande di biaha vloer.
E persona cu a dal e turista lo a bandona e sitio den un
Toyota Tercel blanco. Un patruya di Polis den cercania
mesora cuminsa busca den e area, pero sin resultado.
E turista un rato despues a bin bij y Polis a nota cu e turista
ta basta bou influencia, mirando cu e no tabatin niun herida
di gravedad, a opta pa transporte pa Warda di Polis caminda
nan lo lag’e sosega p’e bin bij y despues hib’e su hotel bek.
