Page 12 - HOH 16 SEPT 2015
P. 12
Hospital cu “kick-off” pa e proyecto
“Electronisch Patiënten Dossier”
on: Wednesday, September 16, 2015In: LocalNo Comments
Print Email
Diamars mainta na Dr. Horacio E. Oduber Hospitaal a tuma luga e “kick-off” di e proyecto di e
sistema EPD, esta “Electronisch Patienten Dossier”, unda cu tur informacion di cada pashent cu
ta relevante pa su cuido medico ta wordo hinca den un software cu ta haci e informacion
accesibel pa tur esunnan encarga y envolvi den su cuido.
Proximamente lo cuminsa cu instalacion di tur e sistemanan necesario. Na comienso di aña 2016
lo cuminsa test funcionamento di e sistema, lo sigui na Mei y Juni cu training pa e personal cu lo
bay traha cu e sistema y na Augustus 2016 lo tuma luga e “GO-LIVE” di e EPD cual lo bay
wordo uza den henter Hospital.
Director Financiero di Hospital, esta sr. Theo de Kool a expresa cu e proyecto aki ta bay cambia
e sistema cu ta traha na hospital masha hopi, pues un proyecto hopi importante pa Hospital.
A sondea prome kico e EPD por nifica pa e forma di traha den hospital y un di e beneficionan
principal ta cu e ta bira hopi mas dificil pa comete eror y ta hopi mas facil tambe pa haya e
erornan cometi. A splica cu erornan lo por tuma luga pasobra e “handschrift” di dokternan ta
dificil pa compronde, cierto remedinan ta parce otro y por bruha facilmente entre 10 mg y 100
mg. Pues, semper tin e chensnan pa haci fout y cu e sistema nobo e chensnan ta wordo reduci
enormemente mirando cu tur informacion lo ta digital.
Un otro beneficio ta cu e sistema ta hisa eficiencia ora di busca informacion. Sr. de Kool a bisa
cu na otro hospitalnan a nota cu uzando un EPD ta spaar 30 minuut pa dia di e proceso pa busca
informacion. Esaki ta suma hunto na un total di casi tres siman pa aña. E beneficio grandi ta cu e
tempo inverti den busca informacion lo bay wordo uza den cuido directo di e pashent.
E di tres beneficio impactante cu de Kool a menciona ta e accesibilidad na informacion.
Informacion comparti pa medio di e EPD ta haci cu tur dokter y esunnan cu ta brinda cuido na e
pashent tin acceso ora cu nan mester di dje, 24ora pa dia y 7 dia pa siman, y no ta solamente e
persona cu tin e dossier (file) den su man tin e informacion disponibel.
