Page 32 - BND

B8 panorama

Diaranson 16 September Brazil Taekwondo Stichting a celebra n
dia di famia na Baby Beach

Diadomingo dia 13 di September Brazil
Taekwondo Stichting a celebra nan tradi-
cional dia di famia pa asina celebra nan di
21 aña di existencia.
Dia 18 di Augustus 1994 Brazil Taekwondo
Stichting a wordo funda pa Alberto Klabér cu e
meta pa promove Taekwondo na Aruba y inter-
nacional y te cu e dia di awe e ta un exito, special-
mente den Brazil Taekwondo Stichting. Brazil
Taekwondo Stichting semper ta celebra e dia aki
pa recorda e dia cu e Stichting a wordo funda y e
logronan cu a logra durante di e aña te cu e dia ey.
E aña aki no por a celebra dia 18 di Augustus pa
motibo cu Clifford Rasmijn y Hakeem Lowe ta-
bata na Korea pa e campeonato Mundial y a pone
cu mester a hala e fecha te cu dia 13 di September
2015.
Un celebracion cu a wordo haci na grandi na
Baby Beach na unda cu 17 atleta presente por a
disfruta di nan ekipo nobo nobo. Tambe a tuma e
oportunidad pa saca e ultimo potret pa e kalender
di aña 2016 pa asina cera e capitulo di e kalender
2016 cu mester ta ariba mercado pa e prome si-
man di October. Durante di e dia e muchanan
hunto cu nan famia y amigonan a bini hunto pa
asina celebra na grandi.
Danica Delamore a hiba palabranan di gratitud
pa asina recorda tur hende for di unda Brazil
Taekwondo Stichting a bin y na unda Brazil Tae-
kwondo Stichting kier yega pa asina logra tur nan
metanan. Pabien na tur e miembronan y mayor-
nan cu semper t’ey pa yuda y tambe na tur e atle-
tanan di Brazil Taekwondo Stichting.q