Page 2 - BNDIA ARUBA

A2 LOCAL
Diamars 23 Januari 2018

Coney Island inspecciona pa di 7 biaha

ORANJESTAD- Gobierno manera nos a bin ta raporta a schors e per-
miso di Coney Island pa por opera durante un periodo di 48 ora pa
asina gobierno por haci sondeonan riba e mashinnan y personal pa es-
tablece e siguridad pa su bishitantenan. Sinembargo e sondeo aki cu lo
mester a tuma luga ayera segun Steve Hudson, productor di Interpark
Coney Island lo ta e di 7 evaluacion tecnico cu e parke ta experiencia.

Durante un conferencia di prensa ayera mainta gobierno a duna un splicacion
dicon mester a yega na tuma e decision pa cera Interpark Coney Island pa un
periodo temporario di 48 ora pa asina departamentonan DTI y Cuerpo Poli-
cial por evalua si e mashinnan y personal encarga cu mashinnan ta concorda cu
regulacionnan di siguridad tecnico. Esaki a bin despues cu segun mandatario
encarga cu husticia Andin Bikker (POR) un accidente a tuma luga na e parke
unda cu un hoben a wordo herida pa via di un di e atraccionnan den e parke.

Segun e mandatario a tene den consideracion ora a tuma e decision e declara-
cionnan di testigonan cu a mira e accidente tuma luga hunto cu e manera con
tabata laga muchanan subi e atraccionnan sin consideracion pa edad. Ademas
e echo cu e parke di atraccion no a pasa un inspeccion debido na hermana is-
lanan a contribui na e situacion cu mester a tuma e decision urgentemente pa
motibo di siguridad.

Un punto cu e mandatario a subraya ta cu e permiso cu a wordo otorga pa e
parke por opera a wordo otorga riba 18 di october. “Esaki tabata prome cu nos
a asumi responsabilidad di gobernacion riba 17 di november pues nos ta asumi
cu e personanan aki lo mester a ta den contacto cu e gobernacion saliente pa a
obtene nan permiso. Pa nos ta importante pa revisa esaki pa percura cu tur cos
ta den orden mirando e importancia di siguridad di nos hendenan.”

Es mas, e mandatario a splica cu e manera con e permisonan aki ta wordo
otorga hopi biaha no ta cay bou consulta detaya cu e minister cu ta carga e
‘responsabilidad politico’ pa e permiso cu e departamento cu ta resorta bou e
mandatario ta otorga.

No a comunica cu a pasa 6 inspeccion
Sinembargo manera nos a publica prome cu e parke a habri su portanan, Inter-
park Coney Island segun productor sr. Hudson a wordo aproba pa inspeccion
di entre otro departamento di inspeccion DTI, Cuerpo di Bombero y Cuerpo
Policial. Ora cu nos a acerca e productor un bes mas ayera atardi, el a expresa
na e matutino aki cu e inspeccion cu lo mester a tuma luga ayera lo ta e di 7 in-
speccion cu e parke lo ta pasando den dje. E mandatario a expresa cu e inspec-
cion conhunto entre DTI y polis lo mester a tuma luga ayera mainta, cual e
productor di e parke a confirma. Es mas, segun e productor e parke no a ricibi
na ningun momento un corespondencia oficial di ningun instancia guberna-
mental pa avisa e parke di loke ta pasando. Esunnan encarga cu Interpark Co-
ney Island a haya sa por medio di un comunicado di polis riba rednan social.