Page 36 - min soc 8 july 2015
P. 36
AWEMainta Diaranson, 8 Juli 2015 33
Museo Historico
TBuEscSanOdoRe O
di Pirata di
Fort Zoutman
MUSEO Historico existiendo ya caba desde aña 1983,
situa na e monumento mas conoci na Aruba, Willem III
Toren y Fort Zoutman.
Ambos un ‘landmark’ riba nos isla, cu ta carga un historia
rico pa loke ta trata nos herencia cultural.
Den cuadro di e herencia cultural aki, Museo Historico
ta duna honor na e historia tras di e creacion di Fort
Zoutman, cu ta conoci pa a protehe Aruba den siglo 17 di
pirateria. E storia aki nos kier presenta den un vakantie
kamp bou di e tema ‘ Tesoro di Pirata’.
Museo Historico e zomer aki a prepara un speurtocht pa
mucha y hoben entre 6-16 aña, pa asina aki por medio
di un speurtocht haci un intercambio di informacion di
un generacion pa e otro generacion.
Cu e speurtocht aki den zomer Museo Historico ta habri
caminda pa un hornada nobo, rico na informacion ,
cargando nan tarea pa educa comunidad y e futuro
generacion riba e importancia pa conoce hitoria di
Aruba y asina aki carga esaki orguyosamente como nos
herencia.
Ta sumamente importante pa cuminsa cu e traspaso
di herencia cultural na un edad jong, mirando cu hopi
ta esnan cu no conoce e historia di Aruba, como tambe
Willem III Toren y Fort Zoutman.
Museo Historico cu inicio di un era completamente
nobo, kier cuminsa cu programanan educativo histoico
pa asina aki envolvi nos sistema di educacion, scolnan
y fundacionnan mas pa conoce e museo y su herencia.
Pa cuminsa cu esaki riba fechanan 20, 22, 27, 29 di juli y
3, 5 di augustus 2015, lo tuma lugar e tremendo actvidad
vacacional ‘Tesorodi Pirata’ cu ta wordo organisa hunto
cu Museo Archeologico su programa vacacional esta
‘Tesoro Nativo’. Hunto ambos museo ta encarga pa den
un forma activo y interactivo educa mucha y hobennan
riba e importancia di nos herencia.
Di logra haya e Tesoro aki, Museo Historico ta enbusca
di agentenan special pa hunto yuda busca e ‘Tesoro di
Pirata di Fort Zoutman.
Nos ta invita nos muchanan pa no perde e oportunidad
unico aki pa conoce mas di nos historia, cuponan ta
limita y pa mas informacion of inscripcion por tuma
contacto cu Valerie Willer na t: 5885199
