Page 9 - min soc 8 july 2015

35 AWEMainta Diaranson, 8 Juli 2015

Arte Activo
Kids Camp di
UNOCA a
cuminsa cu
record di
participacion

UNOCA ta e fundacion cu ta stimula cultura y

ta crea partcipacion activo den cultura na Aruba.
En conexion cu esaki UNOCA a cuminsa dialuna
cu e Arte Activo Kids Camp, cu mas di dobbel e
participacion di añanan anterior y unda muchanan
ta haña e oportunidad di los nan creatividad, siña
y experiencia diferente plataforma cultural na un
manera divertido y activo.

Pa e proyecto aki UNOCA a team up cu artistanan
local; Ryan Oduber pa Arte Visual, Jess Wolf pa
Obra di Man, Alydia Wever pa baile, Vanessa
Paulina pa pintamento y contribuidornan manera
Raquel Lampe pa musica y Biblioteca Nacional,
Fundacion Bon Nochi Drumi Dushi, Parke Arikok,
Santa Rosa y departamento di salud publico.
Nan lo guia e muchanan durante un siman yena
cu creatividad.

E muchanan lo presenta tur loke nan a siña y crea
den un exposicion pa culmina e camp.
Tur mayor, familiar y miembro di prensa ta keda
cordialmente invita riba diabierna 10 di Juli entre
3pm pa 4pm na Scol di Arte pa mira tur loke e
muchanan a traha.
Tambe mayornan por mira updates di e camp e
siman aki riba e pagina di facebook di UNOCA
Aruba, incluyendo contenido crea pa e muchanan
mes.