Page 22 - KPA

A cuminza cera supermercadonan den mal estado

 Jan 28th, 2015
 Local

E siman aki a habri cu a cuminsa cera algun supermercado rond Aruba cu ta bende productonan cu e fecha e pasa pa
cual aki Yvette Geerman, hefe di departamento di inspecion ta splica kico a pasa e prome siman di control.
Tabata tin algun establecimento cu a wordo cera, specialmente esunnan di supermercado, cu a wordo cera en
combinacion pa loke ta e situacion higienico cu a wordo constata y cu tin producto cu nan fecha a vence.
Geerman a sigui splica cu tur supermercado, unabes cu nan tin un producto riba nan shelf pa benta pa publico, nan
mester cumpli cu e regla. E regla ta entre otro cu e producto mester ta dentro di su fecha di vencimento. Una bes cu
e pasa su fecha di vencimento, e ora e producto eynan mester sali for di mercado. Nan mester sak’e for di
supermercado y mester wordo benta afo. Momento cu haci inspeccion y constata cu fuera di e fecha di vencimento
no ta na ordo y e localidad su situacion higienico ta laga di desea, principalmente si constata raton of cacalaca,
mesun momento ta tuma decision cu ta cera e localidad.
Esaki ta un responsabilidad di e doño di e establecimento. E departamento di su funcion. Nan ta controla e momento
eynan y si durante control a constata cu nan a haya un cantidad relativamente hopi, nan ta pone e doño di e
supermercado na altura. Na su turno, e doño tin cu sigui haci su trabao y a base di nan supervision, e productonan ta
wordo benta afo. E tin cu sigui haci su trabao. Claro cu ta core riesgo cu nan por keda cu e producto, of nan ta
schommel cu e producto, pero una bes constata esey, e ora lo bay tin sancion mas pisa pa e doñonan. E ora nan tin
cu tuma nan responsabilidad como doño di supermercado. Nan tin nan rol y nan sa cu ya caba cu e departamento cu
e producto su fecha a vence, nan tin cu sigui haci nan trabao. E ora nan ta sak’e afo bao di supervicion di e
departamento, e productonan ta wordo benta afo.
Tin algun agencia cu mester bin busca na productonan bieu y pone nobo pero esaki no ta pasa pa cual a puntra
Geerman con ta para cu e agencianan cu nan tambe no ta cumpli cu ley.
Esaki ta sinta den tur dos banda, segun Geerman. Tin ora ta culpa e agencianan y tin ora ta culpa e
supermercadonan. En berdad agencianan sa cu nan fecha di producto ta vence e ora nan ta purba di bende cu e
supermercadonan. E supermercadonan e ora ta haya un prijs relavitamente hopi mas barata, mas abao. Al fin y al
cabo, e doño di supermercado ta e responsabel pasobra e ta bende e producto final na e cliente. Mesun cos ta pasa cu
e mayoristanan of agencianan, momento cu nan bay controla na nan localidad y constata cu tin producto cu a pasa