Page 24 - KPA

Inspeccionnan ta continua rond di Aruba y na ki momento cu ta. Departamento di Inspeccion di Salubridad Publico,
conhuntamente cu polis, ta tende spotchecks y ta controla un supermercado y/of localidad, den su totalidad, tanto
deposito, carniceria y e supermercado en general.
Pa loke ta carniceria den supermercado a puntra Geerman kico ta wordo haci pa e parti aki pasobra hopi biaha sa
tende cu tin lugar cu ta bende carninan y galiña daña.
Carniceria ta cay bao di departamento veterinario, mirando cu ta trata cu carni. Departamento di Inspeccion su rol ta
pase over pa veterinaire dienst, pero conhuntamente ora haya keho of durante di nan inspeccion y constata cu tin
carni cu no ta na ordo, e ora ey ta tuma contacto cu Veterinaire Dienst, e ora nan ta tuma nan rol over.
Hopi biaha un carniceria ta bay en combinacion cu un supermercado. E ora ta control’e den su totalidad. Carniceria
ta un parti di supermercado y eynan tambe e no ta cumpli, pero tin e supermercado ta consisti di unda nan ta bende e
producto na clientenan, pero tin tambe unda patras, esta e deposito, cu tambe ta forma parti di un supermercado.
Na momento cu controla y constata cu den e localidadnan eynan no ta cumpli cu e reglanan di higiena, e ora ta tuma
e decision di cera un localidad.
A cera tres supermercado. Debi na e situacion ahigienico a cera e localidadnan. E tempo maximo cu a duna ta 48
ora. Y dentro di 48 ora nan mester cumpli cu tur regla di higiena y tur cosnan mester ta na ordo. E localidad por
habri solamente despues cu e departamento haci nan inspeccion. Ora cu esaki tuma luga, controla e localidad y
cumpli cu e exigencianan di parti di e departamento, nan ta haya un aprobacion cu nan por habri. Si e no cumpli, e
tempo di ceramento ta extende y e verlenging e ora ey ta cay den man di director di Directie Volksgezondheid.
Despues di e 48 ora cu nan wordo gekeurd, dependiendo e situacion con e supermercado lo sigui, departamento di
inspeccion lo sigui monitor. Ta imposibel pa nan por tin tur establecimento na Aruba cu nan por pasa
constantemente. Tin prioridad, segun Geerman. E keho di esunnan cu drenta, ta wordo trata cu prioridad. Esey ta un
regla cu tin na e departamento. Esey no ta descarta cu no ta monitor e localidadnan cu si nan a wordo cera caba of
por ta cu si keho a drenta. Depende kico su gravedad ta cu el a wordo cera y e ora ta dicidi di cuanto tempo lo bolbe
haci un inspeccion rutinario.
A puntra Geerman si e accion aki tabata basa riba kehonan cu ta drenta cerca salubridad publico of esaki tin di haber
di spotcheck.
El a comenta cu e biaha aki a cuminsa aña 2015 cu un accion. Esaki a bay conhuntamente cu polis. Riba indicacion
di polis a haci diferente accion awor aki. Nan lo sigui haci accionnan asina aki. Tin di e supermercadonan cu berdad
kehonan sa drenta caba cerca e departamento y ta atende esakinan. Awor aki e ta bay a base di spotcheck cu nan a
scoge.
Ora cu yega na un situacion drastico ta cera un luga. Momento cu constata una bes den e localidad cu tin raton,
cacalaca por ehempel, esey ta motibo suficiente pa cera e localidad mesora. A base cu pone tur cos hunto, ta dicidi