Page 41 - MIN JUS 8 JULY 2015

Avalancha di Venezolano cu peticion pa cambia nan
rijbewijs na Aruba!

Publication: Wednesday, 8 July 2015. Categoria: General

Tin fuerte indicacion:

ORANJESTAD (AAN) – Na departamento di Rijbewijs, segun informacion di hopi bon fuente,
tin un avalancha di peticion di Venezolanonan pa cambia nan rijbewijs di Venezuela pa esun di
Aruba.

Esaki debi cu Tratado di Ginebra ta permiti esaki, y cada dia ta drenta na nos pais mas y mas
Venezolano, bao capa di turista, pero hopi di nan sin duda tin e intencion di keda.

Tin fuerte indicacion cu Departamento di Rijbewijs tin un balente stap di peticion pa e
rijbewijnan menciona, cu ta nifica mas trabao ainda di esun cu nan tin regularmente cu nos
propio hendenan cu mester di rijbewijs nobo of renovacion.

E problema mas grandi cu esaki ta trece cune ta cu e Venezolanonan aki no conoce Aruba su
leynan di trafico, y nan ta coriendo auto caba riba nos camindanan y causando accidente, segun e
informacion. Aparentemente, e mesun funcionarionan di e Departamento kier wak ki posibilidad
tin pa bin un cambio urgente di ley, cu prome cu por adapta na e Tratado di Ginebra, den sentido
cu cada peticionario pa cambio di licencia di Venezuela pa rijbewijs di Aruba, pasa un examen
unda por mustra cu nan por stuur sin ta ni causa peligro riba nos camindanan.

Tambe tin un preocupacion acerca, y esaki ta cu obviamente varios di e Venezolanonan cu a bin
nobo ultimo temponan ta hayando trabao, y aparentemente, tin un hende liga na gobierno cu ta
yudando nan pa keda, y si nan logra haya permiso pa traha akinan, y nan por inscribi na Censo,
lo aumenta e lista di hende cu ta aplica pa AZV, y ta conoci con e situacion di e aseguro di
malesa ta, cu hasta mester a bin cu un impuesto extra pa pague.

Con leu e entrada di Venezolanonan asina aki lo afecta nos Isla chikito, ta un pregunta cu hopi di
nos hendenan tin, pero nan no ta mira cu gobierno ta manifestando su mes al respecto, tampoco
Parlamento pasobra ningun lider di fraccion ta papiando di e asunto aki.

Tin hende cu na pia di trabao mes a bira testigo con den razianan di polis ta saca Colombianonan
y di otro nacionalidadnan for di lugar di trabao, pero e Venezolanonan sin papel ta logra huy
sconde, y despues ta bin bek na pia di trabao manera nada no a pasa.

http://www.diario.aw/2015/07/avalancha-di-venezolano-cu-peticion-pa-cambia-nan-rijbewijs-na-
aruba/