Page 42 - MIN JUS 8 JULY 2015

Sindicato ta haya cu mester bin un Management Team pa
KIA

Publication: Wednesday, 8 July 2015. Categoria: General
Edmundo Marlin:

ORANJESTAD(AAN): Instituto Penitenciario KIA continuamente ta den noticia, den su
mayoria negativo. Desde su existencia, el a conoce varios director y te ainda niun por a soluciona
cierto problemanan cu ta data di hopi tempo atras.
Recientemente a nombra Trudy Hassell, un ex comisario di Polis, como director di e Instituto.
Aunke cu e tin apenas 6 luna den e funcion, por sinti cu el a drenta cu pia robez y no a haya
apoyo for di e trahadonan, hustamente, segun e propio empleadonan, debi na su caracter arogante
y dictatorial.
E problemanan na KIA, segun Edmundo Marlin di SEPPA, ta un “bottleneck” cu nan tabatin cu
tur Gobierno. Pa cuminsa, e ta kere cu Gobierno mester cuminsa pa entrena e personal di KIA na
e nivel cu un dia un di nan por ta director di e instituto.
Pasado a demostra, segun Marlin, ora cu hinca hende cu no tin conocemento di e trabao y di
sector, pero tin solamente e “management skill” ta haya un situacion unda cu mester keda
depende riba e middle-management.
“Si bo ta un persona cu no ta busca e forma con pa sinta hunto cu bo Management y purba busca
e solucionnan pa locual ta pasando den KIA, lo keda cu e problemanan. Hopi cu a drenta, no tin
conocemento di prizon. KIA no ta un departamento normal, ya cu bo mester atende cu dos grupo
di hende, uno ta detenido y e otro ta personal. Si bo no tin conocemento di e trabao, con e cosnan
ta worde haci, e problema lo sigui.”
Marlin a splica cu no ta simplemente cera un preso, pero mester dun’e guia pa ora cu e bolbe den
e sociedad back y ser un miembro mas di e comunidad. Ta spera di e trahadonan di KIA mester