Page 2 - AM211211

2| DIASABRA 11 DECEMBER 2021
Tin crisis di confiansa serio, pero
gabinete Wever Croes II lo no cay
FOR di momento cu Vice Presidente di
Parlamento, Raymond Kamperveen, kende
ta lider di fraccion di RAIZ den Parlamento,
por a sinti un aire di alivio den pueblo, ya cu
e Gobierno cu a bin ta abusando di pueblo cu
cantidad di medida, ta na rand di bay cas.
Sr. Kamperveen a mustra den e noticiero
radial Enfoke, cu e trato cu nan a ricibi for di
nan partnernan di partido MEP, ta un insulto
y a mustra cu gobernantenan di MEP tin cu
compronde cu RAIZ no por y lo no acepta di
wordo trata den mesun forma cu a trata nan ex
partnernan di coalicion anterior, esta POR y
RED.
Tur esaki a bin despues cu a bira conoci cu
Minister Glenbert Croes a dicidi di oficialisa e
firma di contract entre WEB Aruba NV y Eagle
LNG, algo cu ningun hende a mira of por a lesa e
contenido.
Den oranan di atardi den un comunicado di
prensa, lider di partido RAIZ, Ursell Arends a
mustra e posicion di su partido como partner di
e coalicion actual, esta cu nan kier p’e contract
no wordo oficialisa y cu contenido di esaki tin cu
wordo trata den Parlamento.
Sinembargo miembronan di RAIZ tanto den
gabinete como Parlamento, a mustra cu e forma
con cosnan a bay, ta inaceptabel y mesora a reina firma, mientras cu su persona como miembro di
un aire di alivio den comunidad, cu porfin un
miembro di coalicion cu MEP, tin e curashi di
lanta para y bisa dirigentenan di e partido, cu te
aki por yega.
Oranan cu a sigui despues a crea espacio
suficiente pa tur hende analisa su gabinete
Wever Croes II lo yega su final prome cu el a
cumpli seis luna den gobernacion, loke a base di
e acontecimentonan, lo tabata algo logico y na su
lugar.
Na momento cu lider di partido RAIZ y alabes
Minister di Integridad, Ursell Arends a declara
AWEMainta.com
cu e contract aki no a wordo trata ni discuti den
Conseho di Minister, e situacion a bira ainda
mas serio ya cu realmente tur cos ta mustra cu
tin manipulacion a tuma lugar den e proceso aki
y cu algo no ta bon.
Sinembargo durante di diabierna mainta, e
tempestad rond di partido RIAZ a calma hopi y
practicamente ningun hende tabata dispuesto pa
haci un of otro declaracion.
Mientras cu tur hende a pensa cu lo tin dialogo
tumando lugar entre lider di MEP Evelyn Wever
Croes y Ursell Arends lider di RAIZ, a bira conoci
cu probablemente e lider di MEP lo no ta na
Aruba pero na Merca.
Si dialogo lo a tuma lugar, si tin discusionnan
tumando lugar pa trata di salba loke ainda por
wordo salba, ta keda un hecho cu Parlamentario
Raymond Kamperveen a dicta un rumbo nobo
den politica di Aruba, esta cu no ta cuesta loque
cuesta, tin cu acepta tur cos sushi di un partner,
simplemente pa keda den Gobierno.
Contrario n’e actuacion di Kamperveen diahuebs
merdia, tin cu e actuacion conflictivo di otro
miembro di Parlamento nobo, esta Alvin Molina,
kende diahuebs atardi a dicidi di bay para
cu Gobierno y aplaudi e contact cu a wordo
Parlamento, no a mira e documento aki ningun
dia y e no sa di su contenido.
Parlamentario Molina su responsabilidad
primordial ta di controla maneho di Gobierno,
pero den e caso di e contract cu Eagle LNG, tanto
Molina como tur otro hende, a wordo baila den
mal forma pa gabinete Wever Croes, II, e seccion
di partido MEP si.
Gabinete Wever Croes lo no cay manera hopi
hende ta kere y ta spera, ya cu ainda RAIZ no
tin e experencia of curashi pa haci esaki, loke ta
di lamenta profundamente.