Page 5 - AM211211

AWEMainta.com DIASABRA 11 DECEMBER 2021| 5

Subasta pa recauda fondo pa Methodist

Church Aruba y Meals on Wheels

AWE diasabra, Methodist Church di Aruba ta
tene su prome subasta (silent auction) di 6.00 or
pa 8.30 di anochi na Graf von Zinzendorf School
na Bernhardstraat 259 na San Nicolas. Meta di
e subasta ta pa recauda fondo pa proyectonan
social y proyectonan comunitario cristian
particularmente Meals on Wheels.

E subasta ta un subasta silencioso (caminda
ta mustra interes pa un mercancia riba papel)
y tambe ta bay tin diferente snack boxes y
cuminda tipico di diferente parti di Caribe na
benta. Tin paña, regalo y decoracion di Pasco,
arte y “gift certificates” di diferente comerciante
y restaurant local.

Den e subasta ta bay tin mercancia pa tur
cartera, pa grandi y chikito. E mercancia mayor
di e subasta ta un jersey di Xander Bogaerts (#2)
firma pa tur hungador di Boston Red Sox (cu a
uza den torneo di MLB 2021) den un frame.
Otro ejemplo ta gift certificates di dr. Walker
pa tratamento di problema cu roncamento y/o
beugel.

E evento ta den cura di Graf von Zinzendorf
School y e subasta mes lo ta den gymzaal de e
skol. Den un subasta silencioso ta mustra interes
pa un mercancia dor di scirbi e contribucion cu
ta desea di haci riba un papel (asina jama “bid
card”). Tanten cu e subasta no sera otronan
tambe por indica (atrobe via papel) cu ta desea
di contribui cu un suma mas halto p’e mesun
mercancia.
lo tey pa trece ambiente di Pasco. E mercado di
Durante e subasta (cu lo ta di 6.00 pa 8.00 p.m.) cuminda ta bay tin entre otro snack boxes cu
y despues cu ta haci e administracion final (te snacks frieu of cayente, ayaca, “saoto soep”, pisca
8.30 di anochi) lo tin entretenimiento di entre y arroz cu bonchi, curry chicken, bolo y mucho
otro steelpan di Nico Connor y e grupo di baile mas.
di Methodist Church na Playa. Lady D.J. tambe
Ta invita henter pueblo di Aruba
pa pasa na Graf von Zinzendorf
School na Bernhardstraat 259 na
San Nicolas di 6.00 pa 8.30 di anochi
pa contribui cu Meals on Wheels cu
ta duna 80 famia cuminda cayente
2 biaha pa siman. Aruba Methodist
Church ta existi pa mas cu 80 aña
na Aruba y ta conta cu bo ayudo pa
por keda yuda esnan vunerabel den
momento di necesidad. Ta gradici tur
hende di antemano cu ta contribui
y cu lo haci e prome subasta uno
exitoso. Y danki tambe masha grandi
na tur cu a duna mercancia p’e
subasta.