Page 46 - MIN ON OCT 28, 2015

Juffrouw Sharlene Starke Conscious

Discipline ta yuda bo reconecta cu bo mes pa
bo por ofrece bo alumnonan un “safe haven”

on: October 27, 2015In: LocalNo Comments
Print Email

Sharlene Starke, kende ta duna les na Sint Annaschool, tabata entre e maestronan cu a participa
na e workshop di Conscious Discipline di un siman cu dr. Becky Bailey. E tayernan a wordo
organisa pa Ministerio di Enseñansa y coordina na Aruba hunto cu Develop to Grow.
Juffrouw Sharlene ta wak e importancia di e programa aki. El a splica cu esaki ta un era unda cu
e circunstancianan cu hopi mayor ta haya na mes aden – y kisas no ta leuk pa papia di dje, pero e
ta e realidad – ta refleha den hopi problema social na Aruba. Famianan no ta uni, mayornan a
separa, tin problema financiero, tur e tipo circunstancianan aki ta hunga un rol den bida di e
adulto y ta haci cu e mayornan “in principe” no tin tempo ni atencion adecua pa lanta nan yiunan
manera cu eigenlijk mester ta.
Aki ta unda cu e rol di e maestro ta wordo subraya y hopi biaha nan ta haya nan mes ta tuma e
tarea ey, siendo cu en realidad e mester ta un cooperacion entre e tres partidonan, esta
mayornan/cas, scol y e mucha, kende ta central, Starke a splica.
E bunita di Conscious Discipline ta cu e ta duna e persona e oportunidad pa haya e
instrumentonan cu ta yud’e reconecta cu su mes y asina e por conecta cu e muchanan. Hecho ta
cu e forma tradicional di “coy bo pen, bay sinti, skirbi”, pues di duna ordo no ta funciona mas
awendia y mester uza otro formanan pa comunica cu mas efectividad.
Tur ser humano, pero particularmente muchanan y for di ora cu nan ta baby, ta busca pa sinti nan
mes sigur (veilig). Ta hopi esencial pa e mucha sinti su mes sigur, y p’esey e maestro ta siña
tambe con pa crea un ambiente cu ta ofrece un “safe haven” cu ta hacie sinti sigur di su mes
tambe y ta resulta cu ta yuda kita asina tambe loke ta blokiando e mucha pa e siña.
Starke a splica cu un persona por a sufri un trauma ora cu e ta chikito, y esaki por ta cualkier cos
manera perdida di un cacho, mayornan cu a separa of un wela cu a fayece, y e ser humano ta crea
un bashi. Pa yena e bashi aki e por scoge pa algo malo of algo bon, su escogencia ta depende di e
guia cu e ricibi.
Den caso di muchanan pues, ta hopi importante pa e maestro ta conecta cu su mes, pa e por
conecta cu e muchanan pa yuda nan pa cu e bon guia pa nan por sigui den nan desaroyo.
Conscious Discipline ta ofrece e instrumentonan pa logra esaki.
El a agrega cu un parti di e tayernan tabata tocante di “brainstate” di muchanan y cu e