Page 47 - MIN ON OCT 28, 2015

informacion aki sigur ta yuda pa compronde ki situacion e mucha ta aden por ehempel ora cu e
tira un “tantrum”. Ofreciendo un mucha un safe haven ta yud’e conecta y asina e maestro por
yud’e.
Sharlene Starke a keda hopi contento cu con e workshopnan a bay, pasobra eynan nan mes tambe
a haya e miho ehempel – esun di nan mes – con nan ta sinti y traha den un ambiente unda cu nan
ta sinti nan mes sigur.
Pa hopi di e maestronan cu a atende e no tabata facil, pasobra el a tuma di e tempo cu nan mes lo
ta cu nan yiunan den vakantie, entre otro, pero nan a scoge pa nan profesion, segun Starke ta
comenta, pa algo cu ta yuda nan ta un miho maestro.
Juffrouw Sharlene, kende a traha na diferente scol, ta contento cu e scol unda e ta traha awo. E ta
di opinion cu nan tin un team fuerte cu un bon cabesante, Juffrouw Mirila Hsing-Raven, c u ta
para hopi habri pa brinda guia na su team. “Bo ta sinti e steun cu ta bin di su banda, “ el a añadi.
El a bisa cu un team fuerte cu bon leiding hunto por logra tur cos, y situacionnan manera
scarsedad di material of fondonan no ta molestia nan pasobra nan ta haci tur lo posibel pa e
muchanan no ta e victima di e situacion. Entre otro, Juffrouw Starke a menciona cu un di e
cosnan cu e scol mes ta haci como un team ta por ehempel un “sponsorloop” pa recauda fondo, y
hunto nan ta traha pa no tin retonan cu ta stroba cualkier bon desaroyo na e scol.

http://masnoticia.com/juffrouw-sharlene-starke-conscious-discipline-ta-yuda-bo-reconecta-cu-bo-mes-
pa-bo-por-ofrece-bo-alumnonan-un-safe-haven/