Page 20 - ATA , april 13,2015

ATA: Aruba Summer Music Festival 2015 lo atrae mas turista
for di entre otro Latino America

Sunday, 12 April 2015 18:44
Comparti

Recientemente a lansa Aruba Summer Music Festival 2015 durante di un conferencia di prensa pa
introduci Aruba Tourism Authority como partner di e prome edicion di e festival, organisa pa Loco Lobo
Productions di Aruba y SD Concerts di Latino America.
E meta ta pa medio di e festival, cu ta tuma luga dianan 26 y 27 di juni, pa atrae mas turista Latino
Americano, specificamente for di e mercadonan di Colombia, Venezuela y Surnam pero tambe for di
Corsou y otro paisnan den nos region.
Durante di e encuentro cu prensa a cuminsa na anuncia Carlos Vives, Elvis Crespo, Nicky Jam y Jerry
Rivera, kende tur ta artistanan grandi y conoci pa atrae un publico hopi grandi. Organisadornan a splica
cu e line up ta inclui mas artista, cu nan lo anuncia proximamente. Mester añadi cu den caso di Nicky
Jam, e artista di taya aki tabata programa pa duna varios concierto na Venezuela na April y pa via di
retonan cu e organisado a confronta, a cancela tur concierto e siman ey. Esaki ta haci’e faborabel pa
Aruba kende ta brinda e oportunidad pa ainda e mercado aki por disfruta di Nicky Jam!
E idea pa introduci un festival di musica den zomer a bin di parti di e organisadonan y Aruba Tourism
Authority a dicidi di brinda nan e sosten y cera un partnership cu nan debi, entre otro, na e bon
reputacion y profesionalismo di e dos organisacionnan.
Loco Lobo Productions, ademas di ta un compania local, nan ta organisa conciertonan exitoso na Aruba
durante di henter aña y tin un bon trayectoria. E otro compania, esta SC Concerts, bao liderazgo di
Saymon Diaz, ta conoci como organisador di eventonan grandi na Latino America y den Caribe,
incluyendo Miley Cyrus, One Direction, Romeo Santos, Cirque du Soleil, Mana y Britney Spears. E
reputacion y contactonan internacional di SD Concerts tabata cardinal pa convence e artistanan di taya
pa bin presenta na Aruba.
Aruba Tourism Authority, despues di un evaluacion completo di e planning di e evento, a reconoce e
balor di e aliansa entre e dos companianan como un di e puntonan principal pa e partnership cu nan.
Aruba ta birando conoci como isla di musica, cu eventonan anual di e generonan di musica Jazz, Soul y
Electronic y ATA ta interesa semper pa sigui diversifica y expande riba e tipo di eventonan cu ta atrae
bishitantenan pa Aruba y ta yuda trece turistanan pa prome biaha, como oportunidad pa na bira “repeat
visitors”. Cu e Summer Music Festival e enfoke ta na prome luga riba e mercado Latino Americano, pero
tambe ta promov’e den cuidadnan na Merca unda tin comunidadnan vibrante cu raisnan Latino
Americano.
Turismo di Aruba ta mirando crecemento continuo di e mercado Latino Americano; cifranan final di aña
2014 a identifica e mercado aki como esun cu ta percura pa 26% di e total di turistanan cu a bishita nos