Page 21 - ATA , april 13,2015

isla. “E mercado aki ta wordo atrai door di eventonan, door di musica, door di fiesta y combina esaki cu
Aruba no tin oferta mas atractivo y mas relevante pa e mercado aki di Latino America,” asina C.E.O di
Aruba Tourism Authority, Ronella Tjin Asjoe-Croes a expresa. El a bisa tambe cu e “line-up” ta perfecto
pa e mercado Colombiano, pero tambe pa e di dos mercado turistico di Aruba, esta Venezuela.
Ronella Tjin Asjoe-Croes a bisa cu ATA y e partnernan tin un poco mas di un aña den combersacionnan
tocante e festival aki pa yega na un formula cu ta faborece e parternan, e comunidad di Aruba y e pilar di
Aruba su economia, cual ta turismo.
E motibo pa organisa e evento den luna di juni ta parti di un strategia pa duna turismo den un luna aki
un impulso extra, pa atrae bishitantenan no solamente pa e conciertonan pero famianan completo pa
disfruta di tur e servicio y productonan cu Aruba ta ofrece pa tur edad.
Un otro punto importante den e strategia y partnership cu Aruba Summer Festival pa Aruba Tourism
Authority ta pa atrae atencion di medionan di comunicacion internacional di tur tipo, tanto tradicional
como digital cu ta lanta interes pa Aruba y e tipo di eventonan cu ta wordo organisa riba nos isla. E
cobertura den medionan ta un forma grandi cu ATA ta logra nan “Return On Investment” den balor
promocional ora ta trata di concierto y eventonan grandi y ta un parti hopi importante di ATA su
planning pa cu mercadeo, y, mas specificamente relacionnan publico.

http://www.24ora.com/local-mainmenu-5/93986-ata-aruba-summer-music-festival-2015-lo-atrae-mas-
turista-for-di-entre-otro-latino-america

Aruba Tourism Authority a celebra 372.5 aña di alegria
pasion y amor

Sunday, 12 April 2015 19:07
Comparti

Durante un celebracion masha emotivo den presencia di famia y amistad mas cerca
, Aruba Tourism Authority a celebra cu tur esunnan cu a sa di brinda dedicacion pa haci un diferencia cu
un pasion profundo y entusiasmo pa sirbi turismo di Aruba dor di desplega un trabou duro y traha den
ekipo.
“Nos ta hopi orguyoso di por yama boso PABIEN pa un total di no menos cu 372.5 añadi servicio na
A.T.A y na bienestar di turismo di Aruba. 372,5 aña di alegria, pasion, dedicacion, AMOR. Naturalmente
cu momentonan di reto caminda e trabou den ekipo y e pasion tabata e yabi pa por surpasa tur e
obstaculonan cu por a presenta”, asina Ronella Tjin Asjoe-Croes, C.E.O di Aruba Tourism Authority a
duna di conoce.
“Boso ta forma un parti grandi y un parti integral di e historia di ATA y su desaroyo como oficina di
turismo .. ta boso a duna ATA un cara y un identidad. Un ekipo di hende cu ta dispuesto pa traha y duna
lo miho di nan mes y ta capacita, tin e pasion, amor y entusiasmo… ta algo cu sigur semper a sobresali na
ATA. Gran parti di e logronan ta e fruto di boso dedicacion y esfuerso!”, Ronella Tjin Asjoe-Croes a bisa
net prome di haci entrega di un reconocimento special na e 20 hubiladonan.
A reconoce Melanie Evans Kelly, Enty Giel, Rayon Koolman, Paula Ochoa y Yuraima Solognier. Enty,
Rayon, Paula y Yuraima a ricibi un pedante special traha pa nan cu e logo di Aruba y cu un piedra blue
saphire simbolisando 10 aña den servicio. Mario Arends, Sjeidy Feliciano y Valery Habibe a ricibi un
pedante cu e logo di Aruba y cu un piedra di Saphire, simbolisando 12 / 12.5 aña di servicio durante e
ceremonia. Mirto Erasmus y Maureen Gomes-Werleman a ricibi un pedante cu e logo di Aruba y cu un