Page 6 - KUSTWACHT
P. 6
AWEMainta Diaranson, 27 September 2017 7
Piscador ta slip cay for di
baranca y hoga na Dos Playa
DIALUNA anochi pa 9:40 Central di Polis ta haya
un yamada bisando cu un persona a cay for di baranca
na altura di Dos Playa.
Central ta manda un patruye policial di biaha y a no-
tifica Cuerpo di Bombero, ambulance y Kustwacht y
esnan encarga cu Parke Arikok.
Na yegada di patruye policial, e testigonan ta conta
cu nan tabata piscando na baranca y un di nan amigo
a slip y cay den laman.
No por a wak’e mas y asina nan a bati alarma di
biaha. Cuerpo di Bombero y Kustwacht a busca y ta
despues di basta rato a bin topa cu e curpa sin bida
na Dos Playa chikito.
Pa 1:15 di diamars madruga dr. Texier ta constata
morto di Milangelo Kervin Croes naci na Aruba,
dia 28 di augustus 1989 (28 aña) y tabata biba na
Hooiberg. Cuerpo Policial y nos di AWEMainta ta
manda palabra di condolencia na famia di e fayecido.
