Page 15 - AHATA
P. 15
04 LOCAL
DIABIERNA 5 DI FEBRUARI 2021
GOBIERNO A MIRA SU ENTRADA CAY
CU 46% DEN DECEMBER Y CU 29% PA HENTER 2020
PUNTONAN IMPORTANTE
• Entrada di gobierno a cay cu 76 miyon florin den December 2020 (46.2% menos)
compara cu december 2019.
• Den aña 2020 completo e entrada di gobierno a baha cu 29.1%, for di 1.402 biyon
florin na 2019 pa 994 miyon den 2020, cu ta 408 miyon florin menos.
• Durante e prome nuebe lunanan di 2020 gastonan di gobierno a crece cu 20.1%,
for di 1.057 biyon florin den e prome tres kwartaalnan di 2019 pa 1.270 biyon florin
den e prome nueve lunanan di 2020, un aumento di 212 miyon florin.
• Cu entrada yegando pa un total di 748 miyon florin den e prome nueve lunanan
di 2020 y gastonan cu a bira 1.270 biyon florin den e mesun nueve lunanan, gobi-
erno a yega na un déficit cumulativo di 521 miyon florin den e nueve lunanan ey.
• Pa yuda financia e deficit gobierno a presta 660 miyon florin den e prome nuebe
lunanan di 2020, cu a subi e debe nacional di e pais for di 4.312 biyon, na final di
e prome kwartaal di 2020, pa 4.979 biyon florin pa final di e di tres kwartaal 2020,
cu ta un aumento di 15.5% durante e seis lunanan ey.
• Banco Central ta calcula cu e GDP di Aruba a krimp cu 26.4% den 2020, conse-
cuentemente e debe di GDP den ratio a crece for di 73.7% na final di 2019 pa
115.4% na final di e di tres kwartaal di 2020.
Di acuerdo cu Banco Central di Aruba, e entrada total di gobierno di Aruba a cay cu
76.4 miyon florin den December 2020, pues 46.2% menos compara cu december
2019. Esaki tabata principalmente debi na e 51.0% di caida di impuesto di entrada
y ganashi (cu tabata 43.7 miyon florin menos), un caida di 10.5 miyon florin den
commodities taxes, y 32.3% menos den impuestonan manera BBO / BAZV cu ta
representa 6.0 miyon florin. E caida di impuestonan di entrada y ganashi den luna
di december a bini despues di un crecemento substancial di e impuestonan aki na
November (subi cu 31.8 miyon florin) ya cu gobierno den forma agresivo a recoge
e tipo di impuestonan aki, principalmente impuesto riba ganashi.
Tuma nota cu e cifranan ta preliminar y suheto na cambio.
Manera raporta door di Banco Central di Aruba den informe di Tablanan Mensual
Durante e aña calendario 2020 e total di entradanan di gobierno a baha cu 29.1%, december 2020.
cu ta 408.1 miyon florin, for di 1.402.2 miyon florin na 2019 pa 994.3 miyon florin den https://www.cbaruba.org/cba/readBlob.do?id=7243
2020.
GASTONAN
Data di gastonan di gobierno ta disponibel solamente pa e prome tres kwartaalnan
di 2020.
Sinembargo, manera por mira aki bou, gastonan di gobierno a crece cu 20.1% den
e prome tres kwartaalnan di 2020, compara cu e mesun nueve lunan di 2019, for di
1.057.3 miyon florin na 2019 pa 1.269 miyon florin den 2020.
Gastonan relaciona cu salario a baha cu 9.7% den e prome nuebe lunanan di 2020,
for di 477.6 miyon florin na 2019 pa 431.2 miyon florin den 2020. Gastonan relaciona
cu salario ta conforma 45.2% di gastonan di gobierno den e prome nuebe lunanan
di 2019 cayendo cu 34.0% den 2020.
E PRINCIPALMENTE MOTIBONAN PA CAIDA DEN ENTRADANAN NA 2020 TABATA:
• E 102.3 miyon di caida den entradanan cu no ta di impuesto (- 66.9%),
• E 99.0 miyon florin menos den impuesto di commodities (-29.2%),
• E 96.9 miyon florin menos di impuestonan riba entrada y ganasho (-19.9%)
• E 65.5 miyon florin menos den BBO / BAZV (- 30.4%).
Impuestonan di salario a baha cu 47.7 miyon den 2020 (-17.9%) pa 219.4 miyon florin,
mientras cu impuestonan riba ganashi tabata 24.0 miyon florin menos (-15.1%) pa
135.0 miyon florin.
Esun di “Invoerrechten” a cay cu 58.9 miyon florin den 2020 (-31.5%) pa 127.8 miyon
florin.
