Page 20 - AWEMAINTA
P. 20
20 AWEMainta Diabierna, 3 Januari 2020
Candal a wordo corta:
Cantidad hopi grandi di
Klapchi horta na San Nicolas
BISPO di Aña den careda di 4:30 di
madruga Polis a bay dilanti Herbies situa
na San Nicolas, unda cu ladronnan a drenta
un container di Klapchi.
A combersa cu e doño y el a conta cu nan a
mira tres persona cortico core bay, pero e
momento ey ya e daño tabata haci caba.
Ora nan a bay tira bista, e container di
Klapchi tabata completamente reboltea y
un cantidad grandi di Klapchi tabata falta.
Ladronnan a carga cantidad grandi mes di
Klapchi entre otro Flowerbeds y Pagara cu
ta cosnan caro.
E parti mas tristo ta cu loke a resta riba e
shelvenan lo no cubri e gasto inverti den e
bendemento e aña aki.
