Page 52 - ARUBA BANK

E meta di e reunion aki tabata pa gobierno duna siguimento na e summit cu SNBA a
organiza, unda hopi empresario a presenta cu proyectonan pa desaroya durante e
siguiente seis lunanan.

Den e reunion aki tabata presente algun comerciante cu a duna un presentacion pa
gobierno sa con leu nan ta den e proceso. Asina Minister di Finanzas y Economia a
comenta pa DIARIO den un entrevista.

E mandatario a duna di conoce cu tin proyectonan cu ya caba ta bay cuminza na
December proximo, y otronan na inicio di 2020. Asina tur minister a haya un bista di
con leu e proyectonan aki ta of kico nan mester pa e proyectonan aki bira un exito.

E dignatario ta mira e reunion aki como un bon encuentro di tur tres parti: Conseho di
Minister, SNBA y e comerciantenan.

E mandatario ta haya esaki importante den e vision di desaroyo economico di Gobierno

di cual San Nicolas ta parti integral. Minister Ruiz Maduro a subraya cu e movecionnan
cu tin ta mustra prometedor, unda empresario y inversionistanan ta contento cu e
oportunidadnan cu tin, y cu nan ta dispuesto pa un bez cu e proyectonan bin nan lo
sigui nan tras.

E ta mustra positivo pa San Nicolas y gobierno ta keda cu su empeño pa e desaroyo
economico aki sigui den e distrito.

E mandatario a comenta cu semper tabata tin desaroyo na San Nicolas, pero na
momento cu e refineria a cera por a mira cu esaki a para keto, pero awo nan ta
trahando duro pa asina e desaroyo aki por bin bek.

Tin peticionnan ta bin tambe relaciona cu e construccion di e hotel, y tambe movecion a
cuminza den e caya principal, y un bunita ta bay ta den e entrada cual ta e Barbel
Shop, cual un inversionista local ta bay trece bek den su gloria.

Esaki ta un proyecto chikito pero di gran importancia pasobra e ta na entrada den e
caya principal cu lo genera bida y movecion, y lo incentiva mas hende pa cuminza habri
nan negoshi.