Page 53 - ARUBA BANK

Esaki ta un proyecto cu ta inicia na cuminzamento di aña 2020 y tin intencion di e
inversionista pa bin mas cu e mercado di “luxury”, manera casnan pa turistanan caro,
cu ta bin Aruba pa gasta y tin tur e luhonan cu nan ta desea.

Ademas tin e proyecto di Bingo Hall, cu ta uno cu tabata existi caba, cu tabata tuma
lugar na Club Caiquetio cu tabata pa colecta placa pa e gruponan di personanan den
necesidad. Esaki lo bin bek na San Nicolas, banda di YMCA.

E proyecto aki lo cuminza caba na November proximo, y ya caba cierto renovacionnan a
tuma lugar. Esaki ta un caminda cu tin espacio pa e parti cultural, y e ta dedica na
esnan di mas edad.

San Nicolas ta conoce un poblacion di hende grandi, y nan tambe mester di recreacion
y esaki ta un di e proyectonan cu ta cuminza otro luna caba, pa asina por haye e balor
social cu tin mester.

Minister Ruiz- Maduro a señala cu tin mas proyecto comercial, renovacionnan grandi cu
lo tuma lugar, manera un supermercado, y un Hardware grandi cu ta bay wordo habri
na San Nicolas, y riba e tereno di medio ambiente gobierno a haya presentacion di loke
ta bay ta reciclahe di plastic, cu un compania ta bay establece den e sector aki.

Fuera di esey ta bin e aspecto di cannabis medicinal, cu locual ta bay diversifica e
economia di Pais Aruba.

Tin interesadonan cu ta bay traha riba e parti aki y riba esey tambe Conseho di Minister
a haya presentacion di e compania concerni, con nan ta mira e mercado y kico ta e
facilidadnan cu nan kier tin pa desaroya e mercado aki.

Gobierno di Aruba ta bezig cu e ley necesario. E mandatario a expresa cu na momento
cu e proyectonan aki wordo concretiza lo tin un efecto positivo pa San Nicolas y
vecindario.

Finalmente Minister Xiomara Ruiz-Maduro a expresa gradicimento pa SNBA pa e
iniciativanan cu e ta tumando, y cu ta fomentando cerca e miembronan pa asina tur
hende ta envolvi den locual ta bira e desaroyo economico aki pa e Distrito di San
Nicolas.