Page 25 - MIN.VOS APRIL 23,2015

32 AWEMainta Diahuebs, 23 April 2015

Diasabra merdia den Caya Betico Croes

Ta invita mucha y hobennan na Expo Scout

Scouting Aruba
ta invita comunidad
completo pa “Expo
Scout” celebrando 15
aña di Scouting Aruba.

E evento lo tuma lugar diasabra 25 di april 2015

for di 1:00pm pa 8:00pm riba e parkeerplaats di
Ex-La Linda situa banda di Aruba Bank den Caya
Betico Croes. Riba e dia aki Scouting Aruba lo
celebra dia di nan patrono San Jorge.
Despues lo cuminsa cu un Expo Scout, unda
tur grupo scout, un total di 13 grupo, lo uni pa
demostra na Aruba completo kico scouting ta
encera y kico ta contribui cun’e pa formacion di
mucha y hobennan y mas cu claro e comunidad
Arubano.

Durante transcurso di e evento lo tin diferente
presentacion di tur locual Scouting ta haci
semanalmente. Tambe lo tin demostracion in-
teractivo caminda tur mucha y hoben cu acudi
diasabra awor por experencia Scouting.
Lo tin presentacion di e drumband nacional.
Pa prome biaha den historia di Scouting Aruba
gruponan a uni pa brinda Aruba completo un
presentacion general.
Lo tin diferente actividad pa tur presente por
forma parti di dje, manera un set up di tereno di
campamento, arts & crafts pa muchanan, train-
ing di tecnica di drumband, traha bo mesun
“paracord bracelet” uzando tecnica di conopi
y mucho mas. Ademas lo tin diferente sorpresa
durante e evento aki.

Na final lo sera e evento cu un kampvuur scout y
presentacion di e drumband nacional. E evento
lo conclui finalmente cu presentacion di un
banda local.
Scouting Aruba ta existi pa 15 aña caba y ta e
organisacion nacional representando e 13 gru-
ponan scout riba nos isla, afilia na Inter Ameri-
can Scout Organisation (ISO) cu ta miembro
tambe di World Scout Organization esta WOSM.
Na Aruba, scouting ta existi pa mas of menos 85
aña caba y ta contribui na desaroya hobennan
ehemplar pa bira lidernan den nos comunidad.
Awendia Scouting ta e organisacion mas grandi
na Aruba, cu mas di 500 miembro activo. E
movecion scout ta existi desde aña 1907 ora cu
Lord Baden Powell a cuminsa cune 108 aña pasa
y cu lo keda existi pa semper pasobra “Once a
Scout, Always a Scout”.