Page 124 - SAIL ARUBA 2015 & Royal Visit

Fundacion Sail Aruba Organizador di Sail Aruba
2015 na Waf di Oranjestad

Oct 13th, 2014
Local

Dia 30 di november 2013 su Majestad Rey Willem-Alexander a duna e señal di inicio pa cu celebracion di
e 200 aña di existencia di Reino. Te cu oktober 2015 lo tin diferente evento den henter Reino cu lo
caracteriza e celebracion aki. Na Aruba su Excelencia Gobernador Fredis Refunjol lo ta responsabel pa
e coördinacion di e actividadnan. Pa cu esaki Gobernador a establece e Comité “Viering 200 jaar
Koninkrijk Aruba” . Durante su recepcion di aña nobo Gobernador a duna e señal oficial di inicio pa e
celebracion na Aruba.
Un di e iniciativanan lo ta e ‘Sail Aruba 2015’. E evento aki lo tuma lugar ariba Diabierna 1 di mei,
Diasabra 2 di mei, y Diadomingo 3 di mei 2015 den e waf di Oranjestad. Pa e ocasion aki Marina Real lo
tene su Open Dag Mariniers Kazerne riba e tereno completo di APA. Danki na e cooperacion estrecho
cu Caribbean Sail Training Association y cu Sail Amsterdam , publico por bishita diferente “Tall Ships”.
Durante di e fin di siman festivo e comunidad portuario lo por disfruta di entre otro un Seafood Festival,
Sail in Cinema den Schoener Haven, e the Sail Aruba Races organiza pa Aruba Sailing Foundation,
careda di barco miniatura, paseonan organisa den Oranjestad, musica en bibo, cuminda y bebida y un
BBQ Cook Off y pa culmina un festival di caliber.
Partnernan activo den e comicion ta encera Aruba Ports Authority N.V., Marinierskazerne Savaneta y
Kustwacht Caribisch Gebied, SEL Maduro & Sons, NOW! Advertising, DIVI Resorts, Stichting
Monumentenfonds Aruba, Renaissance Beach Resort & Casino, y Aruba Sailing Association.
Pa mas informacion, programa y mapa di e actividadnan por sigi nos na www.facebook.com/sailaruba of
bishita nos pagina web www.sailaruba.com cu lo ta activo na November.

http://masnoticia.com/fundacion-sail-aruba-organizador-di-sail-aruba-2015-na-waf-di-oranjestad/