Page 144 - SAIL ARUBA 2015 & Royal Visit
P. 144
Sail Aruba 2015 un Celebracion di 200 aña di existencia di Reino
Publication: Thursday, 16 April 2015. Categoria: General
ORANJESTAD (AAN)- Dia 30 di november 2013 su Majestad Rey Willem-Alexander a duna e señal di
inicio pa cu celebracion di e 200 aña di existencia di Reino. Te cu oktober 2015 lo tin diferente evento
den henter Reino cu lo caracteriza e celebracion aki.
Na Aruba su Excelencia Gobernador Fredis Refunjol ta responsabel pa e coördinacion di e actividadnan
atraves di e Comité “Viering 200 jaar Koninkrijk Aruba” . Durante su recepcion di aña nobo e aña aki
Gobernador a duna e señal oficial di inicio pa e celebracion na Aruba.
E iniciativa principal lo ta ‘Sail Aruba 2015’. E evento aki lo tuma lugar ariba Diabierna 1 di mei, Diasabra
2 di mei, y Diadomingo 3 di mei 2015 den e Puerto di Oranjestad. Pa e ocasion aki Marina Real lo tene
su Open Dag Mariniers Kazerne riba e tereno completo di APA tambe, ya cu nan lo ta celebrando 350
aña di existencia.
Durante di e fin di siman festivo e comunidad completo lo por subi tereno di waf gratuitamente y
disfruta di entre otro un Seafood Festival, demostracionnan di Marina, Sail Aruba Races organiza pa
Aruba Sailing Foundation, musica, cuminda y bebida, e musical “Soldaat van Oranje”, Mercado liber.
Rond di e tereno di Aruba Ports Authority lo tin mas actividad incluyendo careda di barco miniatura,
paseonan organisa den Oranjestad, y un Sail in cinema único na Renaissance Marina caminda famianan
por disfruta di e siguiente programación.
Pa mas informacion, programa y mapa di e actividadnan por sigui via www.facebook.com/sailaruba of
bishita nan pagina web www.sailaruba.com.
http://www.diario.aw/2015/04/sail-aruba-2015-un-celebracion-di-200-ana-di-existencia-di-reino/
Sail Aruba 2015 ta recorda 200 aña
Reino Hulandes y 350 aña Marina Real
Posted on 04/16/2015 10:45 am AST | Updated on 04/16/2015 10:47 am AST
ORANJESTAD- E celebracion Sali Aruba 2015 fin di e luna aki, ta pa netamente
recorda 200 aña di Reino y 350 aña di existencia di Marina Real. Esaki a keda
presenta pa e comision encarga di e evento, y subraya pa e director nobo di gabinete
di gobernador, Rajen Budhu Lall, y comandante di Marinierskazerne, Jan ten
Hove. Manera ta conoci, na 2013 Aruba tabatin e honor di tabatin e Pareha Real
Rey Willem Alexander y Reina Maxima di bishita na Aruba. Den menos di dos aña
nan tey atrobe pa ta parti di e evento Sail Aruba 2015. Nan ta aki riba invitacion di
Gobernador di Aruba sr. Refunjol.
