Page 147 - SAIL ARUBA 2015 & Royal Visit
P. 147
celebracion aki a inicia na 2013 y e tempo ey a keda palabra pa no laga e celebracion aki pasa bay sin
mas. “Gobernador di Aruba a tuma e iniciativa pa den e cuadro aki organisa un actividad pa Aruba y den
dialogo cu gobierno mira cua ta e miho forma pa organisa un evento di gran taya.” Sr. Budhu Lall a bisa
cu a traha duro pa yega na e evento aki y tabata natural cu esaki lo mester tin que haber cu awa.
“Pasaobra awa ta loke ta uni nos den Reino, e parti Europeo cu e parti Caribense. Na Hulanda semper tin
e lucha contra e awa mientras cu ta visibel cu aki na Aruba awa ta un fuente di entrada y na tur caminda
di mundo awa ta e base di tur existencia. Pa esnan cu ta pisca awa ta un forma di entrada importante. Di
e manera aki Sail Aruba Event a mira luz di dia. Nos tabata kier un partner solido den Reino cu ta Cuerpo
di Marina Real cu e aña aki ta existi 350 aña. Pa nos di e comision organisador tabata obvio cu mester a
bin un cooperacion cu Marina hunto cu Gobierno di Aruba pa traha riba Sail Aruba 2015.” Sr. Budhu Lall
a bisa cu banda di e evento aki na Aruba otro actividadnan ta tuma lugar den Reino y e celebracion di
200 aña di existencia di Reino ta termina den forma festivo na luna di oktober di e aña aki.
http://www.24ora.com/local-mainmenu-5/94145-despacho-di-gobernador-trahando-duro-pa-brinda-pareha-
real-y-pueblo-di-aruba-un-bunita-programa-
Aruba ta cla pa ricibi Pareha Real dia 1 di mei
Apr 16th, 2015
Na 2013 Aruba tabatin e honor di tabatin e Pareha Real Rey Willem Alexander y Reina Maxima di bishita
na Aruba. Den menos di dos aña nan tey atrobe pa ta parti di e evento Sail Aruba 2015. Nan ta aki riba
invitacion di Gobernador di Aruba sr. Refunjol.
E aña aki Reino ta sigui cu celebracion di su di 200 aña di existencia y Marina Real ta existi 350 aña.
Motibonan di sobra pa celebracionnan grandi na unda pueblo ta participa. Un di e celebracionnan aki ta
tuma lugar na Aruba dia 1 di mei proximo unda Cuerpo di Marina Real ta hunga un rol grandi. E fecha 1
di mei a coincidi cu e ‘Open Dag’ di Marina Real y e festividadnan pa loke ta Sail Aruba Event, Un
combinacion perfecto. Sali Aruba Event ta pa celebra 200 aña di existencia di Reino y 1 di Mei, e dia cu
tradicionalmente Marina Real ta tene su actividadnan na Kazerne. E biaha aki e ‘Open Dag’ di 1 di Mei di
Marina Real ta tuma lugar riba tereno di APA y den su bisindario cu tur clase di animacion hinca den un
programa expectacular.
Comandante Ten Hove di MariniersKazerne Savaneta a splica cu 1 di Mei ta conoci tur rond Aruba pa ta
