Page 54 - MIN JUS APRIL 7 , 2015
P. 54
Un otro testigo a bisa cu ora cu el a wak den corant y internet e persona cu a wordo deteni, el a
ripara cu e carson cortico cu e tabata tin bisti, ta e mesun carson cu e persona cu el a wak ta core
riba e scooter tabata tin bisti.
Cerca polis N.R a bisa cu e henter dia y mayor parti di anochi e tabata na cas y sigur durante e
ora cu Brete a wordo tira.
Sinembargo, segun fiscal y huez testigonan a bisa cu N.R a pasa Tanki Leendert na dado
momento bisti na preto y a papia un tiki cu e hendenan sinta bao di e palo di kwihi.
Algo cu e hendenan a haya straño, pasobra como miembro di gang di Madiki, nunca N.R a hasi
esaki.
Algun rato despues nan a wak hendenan bisti na preto a pasa tira Brete mata y herida otro
persona.
Polis despues a haya un melding cu hende tabata kima algo den cura unda N.R tabata keda y ora
cu nan a yega eynan, nan a topa cu omo di N.R kende tabata kima paña preto.
Tin hendenan cu a bisa cu e scooter cu a wordo uza pa e crimen tabata mustra manera e scooter
di A.V, e omo di N.R.
Sinembargo A.V, kende tambe a wordo deteni na prome instancia, a bisa cu e no tabata sa unda
su scooter ta.
Den corte ora cu huez a puntra tocante e candela, N.R a splica cu hopi biaha ora cu su omo y
amigonan sinta pafo, nan ta kima corant y paña, pa core cu e sanguranan.
Famia di N.R tambe lo a bisa cu N.R na dado momento a duna nan su yiu homber y a bisa nan
pa cuide si algo mester pasa cune.
Asina tabata tin diferente declaracion contra N.R y el a keda nenga tur.
Huez a puntre dicon hende lo gaña contra dje y el a bisa cu e no sa.
Polis a hasi un e asina yama ‘schiethanden test’, cu ta un test cu ta determina si tin chens cu un
rato prome bo tabata tin un arma di candela den bo man y si bo a tira cune.
Polis ta check si tin rastronan di polvora riba man di e sospechoso.
Locual a wordo colecta for di mannan di N.R y su omo A.V a wordo manda pa NFI na Hulanda
y nan a determina cu e mannan di ambos persona ta duna un indicacion cu nan por a tira cu un
arma.
Den corte N.R a bisa cu el a topa cu varios hende na United Diner mas trempan y a sacudi man
cu nan y cu e rastronan di polvora lo por a bin for di nan man.
