Page 53 - MIN JUS APRIL 7 , 2015
P. 53
Homber acusa di tira Marco Brete mata na Tanki Leendert
a haya 18 aña di castigo
Publication: Tuesday, 7 April 2015. Categoria: Judicial
ORANJESTAD (AAN): Recientemente e sospechoso N.R.R a presenta na corte di husticia, pa
tende veredicto di huez den su caso.
El a wordo acusa di posesion di arma na Februari y Maart 2014 y asesinato riba 30 di Juni 2013.
Ta asina cu N.R a wordo deteni riba 30 di Juni 2013 pa asesinato riba Marco Brete y despues cu
investigacion a sigui y N.R a presenta diferente biaha cerca Huez Comisario, el a wordo laga
den libertad October 2013, pasobra no tabata tin suficiente extra prueba pa mantene den
detencion.
E lo a wordo cita si despues, pa e presenta na corte pa tratamento di e caso di asesinato.
Sinembargo algun luna despues, el a wordo deteni atrobe pa posesion di arma di candela den un
otro caso y door di esey e ta den detencion atrobe.
Tratamento di e caso a tuma lugar riba 13 di Maart y segun procesverbal di polis, e caso di
asesinato di Brete tin di haber cu asesinato e mesun dia ey di Edison Graciete.
Ta trata di e asesinato unda cu Graciete a wordo tira na su cabez pa e sospechoso S.G dilanti di
Club 21 mainta trempan.
N.R tabata bon amigo di Graciete formando parti di e gang di Madiki segun autoridadnan y
aparentemente nan lo tabata tin problema cu gang di Tanki Leendert, di cual S.G lo tabata forma
parti.
Hendenan a indica cu N.R lo tabata tin e intencion di tuma venganza y polis a menciona cu N.R
mes a bisa polis cu nan tin cu bay detene e mas lat, pasobra e ta bay regla cuenta.
Ora cu el a wordo deteni sinembargo, el a bisa cu e no tabata tin nada di haber cu e asesinato.
Sinembargo, e procesverbal di polis ta indica cu testigonan a wak cu hendenan riba un scooter
geel cu shinishi a tira Brete mata y a dal un otro persona cu bala na su pia.
E hendenan riba e scooter tabata tin paña preto y helm preto bisti, pues ningun hende a logra wak
cara di e sospechosonan.
Esun cu tabata sinta patras ta esun cu lo a tira.
Segun un testigo, e persona ey tabata tin un tipo di vlecht largo y N.R tin un rabo largo cu awor
ta di ‘dread’.
