Page 38 - FLIP KPA

Kevin Wever ta nos prome morto den trafico

Sunday, 01 February 2015 13:13
Comparti

Tabata diadomingo marduga, pa mas o menos 4:35am cu Central di Polis a despacha patruyanan pa un
desgracia serio na altura di Kazerne di Brandweer na Sabana Berde. Na yegada di e prome unidad na e
sitio, a topa cu un scooter y su chauffeur den un estado critico bou di un auto.
A pidi pa asistencia medico urgente na e sitio, mirando e condicion di e victima. Ta mustra cu e auto a
sali for di e crusada di Price Mart pa subi caminda grandi direccion pariba. E no a tuma nota di e scooter
biniendo for di aeropuerto direccion pabou. Lamentablemente pa 5:15am, Dr. Samuels a presenta na e
sitio di accidente y a constata morto di e motociclista Kevin Richard Wever, naci na Aruba dia 8 di april
1997, pues tin apenas 17 aña di edad. E tabata Departamento di Trafico di Polis ta haciendo un
investigacion riba con e accidente a sosode, specialmente debi cu testigonan na e sitio ta sigura cu e
mesun scooter a dal den por lo menos dos auto riba e rotonde di aeropuerto prome di haya su mes
envolvi den un accidente grandi dos minuut despues. Polis ta haci un apelacion na tur testigo cu lo por a
mira mas prome of durante e accidente, pa por fabor tuma contacto cu departamento di trafico di Cuerpo
Policial Aruba. Kevin Wever ta e prome caso di accidente fatal pa aña 2015. Den e maneho di Cuerpo
Policial Aruba, ta pone hopi enfasis riba trafico, dor di percura pa mas presencia di Polis riba caya y cu
control nan dirigi riba trafico. E maneho a conduci cu aña pasa a reduci e cantidad di casonan di
accidente fatal cu 50%. Na aña 2013 a registra 14 caso di accidente fatal, siendo cu a cera aña 2014 cu
apenas 7 caso. Cuerpo Policial Aruba ta expresa palabranan di condolencia na famia di e fayecido

Comentarionan (1)

Mustra/Kita comentarionan
a mi mes
February 01, 2015
1 9 0 .1 0 2 .3 .2 8
Votes: -1

...
condolencia na famia un mama tin cu sufre d**or awe, just pa c*lpa de imprudencia locura, etc van spera cu esaki
ta e prome i ultimo morto den trafico pa 2015; tur junto traja pe.!

http://www.24ora.com/policial-mainmenu-8/91304-kevin-wever-ta-nos-prome-morto-den-trafico

Chabalito di 17 ta purba core pa polis causa peliger den
publico