Page 42 - FLIP KPA

Yiu di ex comisario di Polis a topa cu ladron den
cas

· Jan 31st, 2015
· Policial, Splash

Mientras cu tur hende ta drumi den nan trankilidad bo ta hayabo cu tin poco ladron lanta e ora ey ta
busca pa horta den cas di hende. Esaki tabata e caso diasabra den oranan di marduga, na Cas Paloma
na cas di un Ex Comisario di Polis cual ta un persona halto den un funcion actualmente. Mientras cu e
famia ta morto na soño e yiu ta lanta pa bay den cushina ta mira movecion den cas y topa cu un homber
desconoci den su cas y aki e ta grita lanta su mama y tata cu tin ladron den e cas. E ladron cu a keda
gara a core sali na careda bay pafo riba caminda pa huy. Pero e doño di cas ta sali bay na careda tras di
e ladron den su auto y tabata buske den bisindario. Yegando banda di e birada skerpi di peppep e doño
di cas cu a bira victima di ladronicia a topa un homber color cla ta core bay ariba y cu un celular den su
man cual tabata di e cas y un saco tambe. Poco pariba di e cura di Airport e ciudadano a logra para e
ladron aki cual tabatin un baranca den su man y a laga esaki cay abou ora e la keda gara y e ciudadano
a logra ranca e celular cu ta pertenece na e cas horta. Polisnan a yega basta liher y detene e homber aki
hibe warda mientras a regresa na e cas pa wak di unda e ladron aki a drenta horta. E doñonan di cas a
traha un listra pa autoridad kico a wordo kibra y kico nan lo a sinti falta di dje e.o un celular e ladron a
logra bay cune.