Page 16 - MIN ON_Neat

Enseñansa pa Empleo a haci entrega di
Diploma na e cursistanan

- Advertisement -

ORANJESTAD (AAN): Enseñansa pa Empleo a cuminsa na aña 1988 cu poco curso pa
yuda e personanan cu e tempo ey a perde trabao ora cu Lago a sera su portanan. A
cuminsa cu curso riba tereno hotelero, pasobra turismo tambe ta un parti di economia
di Aruba.Esakinan ta e cursonan di Waiter/Waitress, Bartender y Fppd & Beverage Cost
Control pa cual te awe ainda tin hopi interes. Hotelnan ta manda nan empleadonan pa
sigui e cursonan aki pa asina nan por haya nan diploma.Den pasado EpE a duna tambe
cursonan riba tereno di contruccion, manera carpinte,metsla, ponedor di asuleho. Den
curso di añanan Enseñansa pa Empleo a sigui duna cursonan riba diferente tereno, e.o.
Computer, Marketing, Klein Vaarbewijs, Receptionista/Telefonista, Time Management,
Sportmassage, Inleiding Arbeidsrecht, di Empleado pa Topmanager, Aspira pa exito,
Boekhouden y idiomanan Ingles, Hulandes y Papiamento.

Tambe e curso Basiskennis Calculatie, cual EpE a bolbe introduce. Y pesey, riba dia 16
di Juni 2017, Enseñansa pa Empleo a tene e placer di duna diploma na e cursistanan cu
a sigui e curso aki cu exito.

E curso aki ta uno basta intensivo, den cual e cursistanan a siña tur loke tin haber con
ta calcula gastonan, interes, Kostprijs, cambio di placa, seguro, statistiek ect. Y tur
locual nan a siña por wordo usa den nan trabao. E curso aki a wordo duna door di
juffrouw Shereen de Cuba.