Page 20 - MIN ON_Neat

grupo cu a worde encuesta: school basico, school secundario y maestronan for di cual a
ricibi 389 surveys valido.

A base di e encuesta cu a worde teni a resulta cu 59% di alumnonan ta biba na cas cu
ambos mayor, 38% cu un mayor y 3% no ta biba cu nan mayor. 73% di alumnonan ta
papia Papiamento na cas mientras cu 8% ta papia Hulandes, 6% Ingles, 11% Spaño,
1% Chines y 2% otro idioma.

Pa loke ta e grado cu alumnonan ta gusta school, 46% di alumnonan a indica cu nan ta
gusta school untiki, 35% a bisa si, 8% a bisa hopi y 11% a indica cu nan no ta gusta
school. 62% di muchanan ta indica cu nan ta compronde nan les casi semper, 11% tin
ora, 25% semper y 2% nunca. 58% di alumnonan ta bisa cu nan ta haya nan les bon,
16% ta haya esaki facil, 16% dificil y 8% hopi facil y 2% hopi dificil. Ora cu a puntra e
alumnonan kico nan gusta mas di haya les, algo cu sigur no a sorpresa hopi maestro ta
e hecho cu nan gusta traha den grupo 48%. 24% cu computer, 16% ta gusta haya les
e manera tradicional unda cu maestro ta presenta e les na borchi, 8% haci presentacion
y 4% otro. Mayoria alumnonan (48%) ta prefera haya les na papiamento.

Otro resultadonan cu a resalta ta cu 68% di alumnonan a bisa cu nan nunca a
experiencia bullying. E cantidad di alumnonan cu ta bay nan mesun cas despues di
school ta 78% sinembargo 37% di alumnonan ta haci deporte.

Hobennan entre 12 – 16:

A acerca e grupo di alumnonan aki cu e preguntanan aki como cu a deduci cu
alumnonan mas hoben no tabata na altura of no ta pone atencion na e cantidad di ora
cu nan ta dedica na e ‘actividadnan’ aki.

A haci e pregunta na alumnonan, cuanto ora nan ta drumi pa dia, pa cual 38% a indica
cu nan ta drumi entre 7-8 ora. 12% ta drumi menos cu 5ora pa dia, cual no ta
saludabel pa un alumno su desaroyo y tampoco pa su prestacion na school. Locual ta
resalta tambe ta cu 40% di alumnonan ta wak Netflix, TV, Social media, youtube mas
cu 5ora pa dia.