Page 19 - MIN ON

Corte

JUFFROUW SUKI A GANA
CASO CONTRA MINISTER
MICHELLE HOOIJBOER

6 MINS
POST VIEWS: 7

ORANJESTAD, Aruba
Michelle Hooijboer mester paga gasto di abogado!

Dialuna 3 juli hues a dicta den e caso cu juffrouw Suki a entama contra minister di enseñanza,
Michelle Hooijboer, un caso cu a cuminsa dos aña y mey pasa. Despues di varios caso den Corte,
juffrouw Suki a gana su caso: e minister no tabata tin suficiente motibo pa persigi e juffrouw di e
forma aki, y sigur no pa impone medidanan disciplinario cu e minister kier a impone.

E caso a cuminsa na februari 2015 na momento cu tata di un alumno di juffr Suki e bin scol pa
reclama cu e juffrouw lo a ‘bully’ su yiu. A resulta cu e dia di e supuesto ‘bullying’, juff Suki no
tabata na scol mes. E incidente cu e tata a referi como ‘bullying’ a tuma lugar den les di otro docente.
E ‘misunderstanding’ aki a wordo aclarea mesora entre e tata, e cabesante di e scol y juffr Suki, hasta
cu un ‘handshake’. Sin embargo despues a resulta cu e tata tabata bon amigo di minister Michelle
Hooijboer, y minister Michelle Hooijboer a dicidi cu e no ta laga e cos aki te eynan, y a cuminsa un
persecucion cruel contra e juffrouw. Sin hasi un investigacion drechi, y sin importa cu ya e cabesante
di e scol a atende cu e asunto, minister Hooijboer a manda carta di schorsing di 5 dia pa juffr Suki,
cu instruccion pa dune otro trabou pa resto di e aña escolar y no permiti’e duna les mas, y obliga e
juffrouw pa bai un training pa domina su mes via di su dokter di cas.