Page 24 - MIN ON

educacion y tur e partnernan den veld tambe cu tin di haber cu e parti di educa
muchanan, den e caso aki Telefon pa Hubentud, FADA, tambe Tienda di
Educacion. Tambe por a mira coleganan di Hospital y naturalmente
Departamento di Enseñansa, etc. Esakinan ta forma parti di e exito di e
programa aki.

Pero no a para keda na 2013. A sigui cu 2014, unda cu a laga SKOA, den e caso
aki a bay scol, y nan a scoge locual cu nan kier y eynan a sali afo cu sra.
Damond di Corsou cu su programa na Corsou, cu ya tabata draai e tempo ey
cinco aña caba. E docente y directivanan di scol, SKOA den e caso aki, a dicidi
cu ta bay cu Biba Amor, di Varetza Damond. Goeloe a gradici sra. Damond pa
tur e añanan aki cu tabata tey. E ta un persona conoci cerca e scolnan di SKOA.

Ora cu a acerca sra. Damond cu e escogencia a cay cu su programa, el a acepta
man habri y te dia di awe, ta bayendo hopi bon, segun Goeloe.

Awe a cera cu algo cu a warda p’e hopi aña, cu ta e programa cu a introduci aña
pasa na e scolnan, cu e trainingnan cu Damond a duna, y tambe cu e resultado.
A haci un voormeting y awor ta bay haya sa di e na meting. Con e alumnonan
ta den 5de y 6de klas, con a bay cu e programa Biba Amor. Esey ta interesante
pa sa, cu kico e programa aki a nifica pa e muchanan.

Te cu aña pasa tabata tin 92 tienermoeder, cu ainda pa Goeloe ta hopi. E aña
anterior tabata 92, pero tur e otro añanan tabata riba 100. Cu nos ta bao di
100, desde 2 aña pasa, pa Goeloe ta aleluya. Cu e programa aki, e meta lo ta
pa e bira 50/40. E deseo semper lo ta pa e keda 0. Pero nos ta biba den un
mundo cu no ta realistico cu lo ta 0. Pero ta desea pa tin 0 mucha bao di 18 aña
cu ta sali na estado.

Un di e sponsor grandi di e programa aki ta VNO, Unesco, cual delaster aña a
kere den e proyecto. Tambe e clubnan di servicio manera Kiwanis of Aruba,
Kiwanis palm Beach, Rotary y Quota Club. Ta personanan cu a kere den e
proyecto aki cu ta carg’e te dia di awe.