Page 35 - MIN.TTC APRIL 16,2015

nan mes por bira un entrepreneur, un comerciante di nan producto. Tambe e meta ta pa Aruba
por tin productonan local traha door di nos mesun hendenan cu ta sigui pusha Aruba como un
destinacion cu ta promociona y promove e parti artistico, cultural y historico.

Alonso Williams a link a traves di su diseño di 297 turismo y cultura na un manera unico, pero
no mester di un 297, un himno of un bandera pa link turismo cu cultura. Minister Otmar Oduber
ta di opinion cu cultura automaticamente door di un creaccion di algo autentico di Aruba di un
artista local kico cu e por ta, ya caba ta crea un link cu turismo. Globalmente por mira mas y mas
cu e turismo afluente cu nos ta atrae ta buscando e caracteristicanan netamente di e destinacion
cu nan ta bishita, pesey cultura automaticamente den e mundo nobo aki mester ta hopi gelink cu
turismo. “Mi ta kere cu cada un artista, cada un creaccion di creatividad di e artistanan aki si por
worde poni den un bachi segun e criteria manera SEYO Arubiano tin, esta cu ta cumpli cu cierto
condicionnan, automaticamente esey ta significa cu bo tin un link cu turismo”, Minister Otmar
Oduber a declara.

http://www.diario.aw/2015/04/alonso-williams-un-artista-cu-ta-promove-aruba-y-loke-e-isla-ta-
representa/