Page 36 - MIN.TTC APRIL 16,2015

Minister Otmar Oduber: Alonso Williams un artista cu ta
promove Aruba y loke nos isla ta representa a traves di su
creacion 297

W ednesday, 15 April 2015 15:57
Comparti

Diaranson mainta Minister Otmar Oduber a reuni cu e artista Alonso Williams, un hoben cu a crea e
diseño 297. Ta trata di un diseño cu ta representa tur loke Aruba ta manera ta e blou, e strea y e dos
strepinan geel di nos bandera, ademas di e 297 cu ta nos codigo di area y ta wordo reconoci como Aruba.
E inspiracion a bin for di e cultura di tur dia, e bida feliz, e bida amigabel, e unidad y mas cu tur e
patriotismo cu ta existi na Aruba. Tur e elementonan aki por wordo mira den e diseño, cual en bes di
mercadea Aruba su nomber, Alonso Williams a dicidi di usa e 297 cu ta reconoci den mercado
internacional. E ta bisa cu el a haya un otro forma di presenta Aruba sin bisa Aruba.
Minister Otmar Oduber a comenta cu Alonso ta yiu di un tata Arubiano y cu hopi biaha a bin Aruba
durante henter su infancia y awor e tin dos aña bibando na nos isla.
E diseño 297 a wordo lanza un siman prome cu 18 di maart y respuesta di e publico en general ta uno
hopi positivo, segun Alonso a duna di conoce. Minister Oduber ta considera e diseño uno hopi bunita cu
ta un promocion grandi pa nos isla cu ta wordo haci na un forma artistico, na un forma diferente di loke
ta mira semper, pero cu componentenan di nos bandera y cu e number 297. E number aki ta un codigo di
area masha comenta internacionalmente y Alonso a pone de un creacion artistico.
Durante e encuentro Minister Oduber y Alonso Williams a conversa riba e pensamentonan cu tin y futuro
como artista. El a encurasha Alonso pa inscribi su mes via Departamento di Cultura pa por bin na
remarke pa por haya e certificacion di SEYO Arubiano pa su producto cu e ta presentando.
Minister di Cultura a indica cu ta promoviendo certifiacion di SEYO mas y mas mirando cu dentro di
poco lo habri e oficina na edicio di Zoutmanstaat y den futuro na San Nicolas tambe pa promocion y
benta di productonan di nos artesanonan.
E mandatario ta convenci cu e productonan di Alonso Williams lo cay den bon tera, mescos cu esunnan
di e otro artesano y artistanan cu ya caba ta riba 30 cu ta conta cu e SEYO di calidad. Na momento cu
fundacion CRAFT cuminsa funciona cu ta premira lo bira den luna di juni, sigur lo cuminsa haya hopi
otro artesano y artista cu lo bay participa mirando cu e meta ta pa yudanan pa nan mes por bira un
entrepreneur, un comerciante di nan producto. Tambe e meta ta pa Aruba por tin productonan local
traha dor di nos mesun hendenan cu ta sigui pusha Aruba como un destinacion cu ta promociona y
promove e parti artistico, cultural y historico.
Alonso Williams a link a traves di su diseño di 297 turismo y cultura na un manera unico, pero no mester
di un 297, un himno of un bandera pa link turismo cu cultura. Minister Otmar Oduber ta di opinion cu
cultura automaticamente dor di un creacion di algo autentico di Aruba di un artista local kico cu e por ta,