Page 2 - MIN,JUS MAY 29
P. 2
Satelitenan di MEP pushando fuerte pa nan candidato den
SPA
Publication: Friday, 29 May 2015. Categoria: General
Eleccion di Sindicato di Polis awe Diabierna:
ORANJESTAD(AAN):Ta increible pa mira con satelitenan di MEP ta pushando masha duro mes
pa asina logra pa nan candidato bira presidente di Sindicato di Polis SPA.
E motibo ta cu e pareha di e candidato tambe ta un di esnan cu ta MEP y na varios ocasion te
hasta causa problema den parlamento por ehempel. E ta grita na boca grandi cosnan mahos den
direccion di e candidatonan di AVP strobando reunion publico na mas cu un ocasion.
Awor ta haci uso di e medionan liga na MEP pa asina desacredita e actual presidente pa asina
nan haya entrada cu influencia politico di asignatura di MEP den Sindicato. Tur hende sa cu un
di e candidatonan ta MEP y su pareha tambe. E forma cu kier te hasta bagateliza e actual
presidente den forma hopi baho tin basta Polis mas bien decepciona.
Nan conoce nan colega cu ta presidente actualmente y pesey ta kere cu e forma cu esnan liga na
MEP ta haci atakenan for di sla lo no ta yuda pa e siguiente candidato gana eleccion. Nan sa
tambe ki tur nan colega presidente a haci pa cuerpo y e contactonan cu e tin y a crea durante
añanan prome cu el a bira presidente como tesorero. Ta di lamenta cu ta permiti politica drenta
sindicalismo di es forma aki. MEP ta buscando un poder den sindicato di Polis via nan candidato
cu kier bira pesidente.
http://www.diario.aw/2015/05/satelitenan-di-mep-pushando-fuerte-pa-nan-candidato-den-spa/
