Page 5 - MIN,JUS MAY 29

di Justicia Arthur Dowers, Minister di Turismo Otmar Oduber, Presidente & CEO di Schiphol Group Jos
Nijhuis, Senior Vice President di KLM Security Services Ben Swagerman, CEO di Aruba Airport Authority

N.V. James Fazio, Senior VP di Vision-Box Miguel Leitmann y demas invitado.

Aruba Happy Flow ta un proceso di pasahero inovativo unda e pasahero ta wordo rekeri pa mustra su
paspoort solamente un biaha durante e proceso na aeropuerto. E uso di reconocimento facial ta permiti pa
e pasahero por sigui pa check-in, drop off su maletanan, pasa imigracion y aborda avion, tur sin mester
wordo pidi pa mustra su boarding pass atrobe.

Pa por haci esaki, Aruba Happy Flow ta combina e proceso di control di imigracion hunto cu e proceso
priva di e pasahero na aeropuerto. Esaki ta unico na mundo y a wordo disenja pa facilita e proceso di
pasahero, haciendo e liher y sigur.

Esfuerzo cooperativo

Aruba Happy Flow ta e resultado di un esfuerzo cooperativo door di Aruba, Hulanda, Aeropuerto di

Aruba, Schiphol Group y KLM. Despues di e procedura di tender, Vision-Box a keda encarga cu e
implementacion di e Proyecto.

Prome Minister di Aruba Mike Eman ta bisa: "Happy Flow ta un paso sumamente inovativo y importante
den e industria di transportacion di pasahero, no solamente pa Aruba, sino mundialmente. Aruba ta hopi
orguyoso di lanza e concepto unico aki door di trese e partidonan publico y priva hunto. Happy Flow ta un
otro logro pa crea un economia di conocimento sostenibel na Aruba y fortalesiendo e desaroyo di Aruba
como un hub. Mi ta hopi satisfecho cu e prome fase di resultadonan concreto di e partnership cu a wordo
forma riba iniciativa di Aruba cu Gobierno Hulandes, KLM y Schiphol pa haci e proyecto aki posibel
aportando na e ambicion di Aruba pa logra Pre Clearance Europeo."

“Cu Aruba Happy Flow, hunto nos a haci un paso inovativo pa sigui mehora e comfortabilidad pa e
pasaheronan. Esaki ta un proyecto unico unda entre otro e proceso di pasahero priva y publico ta wordo
combina. Mi espectativanan ta halto pa e resultadonan. Si e experiencia y resultadonan di e testnan ta
positivo, nos lo sigui desaroya e proyecto aki,” segun Jos Nijhuis di Schiphol.

Ben Swagerman: “KLM ta para semper fuerte pa posibilidadnan pa sigui mehora e conveniencia pa su
pasaheronan. Ta pesei nos ta contento di por contribui na e proyecto inovativo aki, cu lo simplifica y
accelera e proceso completo for di check-in te momento di aborda avion mirando cu pasaheronan lo
mester mustra nan documentonan solamente un biaha.”

“Como aeropuerto nacional di e isla felis, nos ta orguyoso pa introduci Aruba Happy Flow. E proyecto aki
ta demostra nos compromiso pa mehora e experiencia di e pasahero, y pa introduci solucionnan
tecnologico nobo y inovativo pa yega e crecimento den futuro di trafico di pasahero y pa mantene e
nivelnan mas halto di safety y security. E proyecto aki ta un ehempel extraordinario di con e sector
publico y priva por traha hunto pa logra hopi. Loke a wordo logra awe lo ricibi atencion di aeropuertonan
rond mundo, obstante tamanjo, nos tur ta comparti varios di e mesun problemanan, y awe, nos ta lidera e
caminda den un solucion inovativo pa mehora e experiencia na aeropuerto,” asina CEO di AAA James
Fazio a bisa.

“Nos ta marcando historia na Aruba awe, dunando inicio na un era nobo den e sector di aviacion. Happy
Flow ta e prome proceso di pasahero 100% self-service basa riba e uso di biometrics pa brinda un
experiencia sigur, liher y contento pa e pasaheronan. Ademas e ta brinda e autoridadnan un plataforma
“end-to-end” cu ta permiti pa monitor e proceso di pasahero completo cu beneficio di seguridad,
eficiencia y entrada, respetando e privacidad di informacion na tur tempo,” asina Senior VP di Vision Box
Miguel Leitmann a bisa.

Dos anja
E proyecto piloto Aruba Happy Flow lo opera na Aeropuerto di Aruba pa 2 anja. Na prome instante