Page 32 - KPA 24 MAART 2016

Cinco luna di prison pa kiebro y ladronicia den

negoshi

on: March 23, 2016In: CorteNo Comments
Print Email
Recientemente a presenta dilanti hues e acusado M.G. cu ta wordo acusa di a drenta den un negoshi pa
asina horta cuminda y bebida. Hues a sentencia G. na 5 luna di prison.
CASO
Fiscal mr. Schmitz a presenta e caso, caminda cu e ta trece dilanti cu e M.G. ta wordo acusa di a causa
kiebro na un negoshi pa asina drenta horta den e luga. Akinan el a bay cu varios cuminda y bebida for di
e negoshi. E acusado a wordo reconoci danki na e sistema di video di seguridad cu e doñonan di e luga
tin instala.
DECLARACION DI SOSPECHOSO
Segun M.G. e no ta corda nada, ya cu e dia en cuestion e tabata bou influencia di droga. E tin varios aña
caba cu e ta adicto, pero nunca antes e tabata den problema cu husticia. Riba pregunta di fiscal, si e tin
caminda di keda, e acusado a bisa cu tanten cu e no ta uza droga, e por biba cerca su yiu homber, pero
cu esaki no kier sa di dje, ora cu e ta bou influencia di droga.
EXIGENCIA DI FISCAL
Segun fiscal mr. Schmitz e acusado tin hopi tempo caba adicto, pero e pregunta ta con bin cu awo e ta
bin den contacto cu husticia? Y ki siguransa por tin, cu ora cu e Sali bek e lo no cay bek den e mundo di
adiccion y ladronicia? Fiscal a exigi pa e acusado 5 luna di prison, kitando e tempo cu el a pasa caba den
detencion preventivo. En corto esaki kiermen cu e acusado lo mester sinta 1 luna mas di su castigo.
SENTENCIA
Hues a cera tratamento di e caso y a dicta sentencia di biaha. El a tene cuenta cu G. ta prome biaha cu e
ta hay’e den problema cu husticia pero cu si e mester busca un solucion pa su problemanan. Hues mr.
Paulides a bay di acuerdo cu exigencia di fiscal.
http://masnoticia.com/cinco-luna-di-prison-pa-kiebro-y-ladronicia-den-negoshi/