Page 35 - KPA 24 MAART 2016
P. 35
Sospechoso den caso di homber carbonisa
na Rooi Frances a yega Aruba
on: March 24, 2016In: SucesoNo Comments
Print Email
Comienso di Maart na Hulanda autoridad Hulandes a haci detencion di un
homber Arubiano busca pa husticia di Aruba relaciona cu un caso di asesinato
riba 31 December 2015. Ta trata di e homber Ryan A. Robert di 29 aña y ta biba
na Santa Cruz. E homber aki ta e sospechoso principal cu lo a kima e homber
A.O.Rojas Paz naci na Colombia unda riba 31 December 2015 autoridad a haye
kima den bahul di un chevrolet celta na ruina na Rooi Frances. E sospechoso
riba e mes un dia di 31 December a subi avion parti atardi bay Hulanda keriendo
cu e lo scapa di e caso aki pero el a faya barbaramente.
Despues di algun dia pa cu e proceso di papel etc pa traslada e sospechoso
Aruba e dia a yega cu el a subi KLM for di Schiphol pa Aeropuerto Internaconal
Reina Beatrix , y a yega nos isla diaranson 23 Maart 5:45 pm cu e vuelo di KLM
deteni unda autoridad a bahe y hinke den e van di CEA y asina bay cune. E ta
deteni awo na Aruba unda pronto lo tin presenta dilanti un fiscal pa interogacion.
Den e caso aki tin dos persona deteni un señora Colombiano Cristina San Martin
cu tambe lo ta envolvi den e caso di asesinato aki.
