Page 13 - AM200404
P. 13
Diasabra, 4 April 2020 AWEMainta 13
E ta bahando
Ayera 5 persona so deteni
E Toque de Queda di diahuebs anochi pa diabierne
mainta, durante e di 13 dia, a detene no menos cu 5
sospechoso so! Esey t’e cantidad record te awor den
menos detencion for di inicio cu a start cu e TDQ. Por
conclui, compara cu e dianan anterior, cu e mensahe
ta yegando na comunidad y mas hende ta kedando
cas enbes di subi caya di forma ilegal.
Mester tene cuenta cu cada persona cu subi caminda
entre 9:00pm y 6:00am sin tin un permiso of un mo-
tibo valido, p.e. bayendo botica pa busca remedi of
bayendo Hospital pa tratamento medico, cu autori-
dad por dunabo un boet.
Fiscal por scoge, na su discrecion, un boet cu ta un
minimo di 1.000 florin te un maximo di 10.000 florin.
Mayoria hende deteni pa prome biaha a haya 1.000
florin, pero esnan cu a gara pa di dos of mas biaha, a
haya boet mas halto.
Tur cu haya boet tin dos siman pa cumpli cu e pago,
sino lo haya un citacion pa presenta dilanti Huez.
Mayoria biaha ora yega Corte, e chens ta hopi gran-
di cu e boet ta aumenta. Si no paga atrobe, lo busca
e sospechoso pa bay cera y cumpli cu e castigo comb-
erti den dianan den prison.
Pa locual t’e detencionnan di Toque de Queda for di
prome anochi ta como lo siguiente:
Prome anochi: 31 detencion; di dos anochi: 45 deten-
cion, cu t’esun mas halto; di tres dia: 18 detencion;
Di 4 anochi: 29 detencion; di 5 anochi: 18 detencion;
di 6 anochi: 22 detencion; di 7 anochi: 27 detencion;
di 8 anochi: 28 detencion; di 9 anochi: 16 detencion;
di 10 anochi: 8 detencion; di 11 anochi: 8 detencion;
di 12 anochi: 6 detencion y di 13 anochi: 5 detencion.
Pa un total di 261 detencion.
