Page 2 - KPA
P. 2
Awa na abundancia despues cu Honda CRV a ranca Hydrant y dal cura di cas na San
Nicolas
Wednesday, 13 January 2016 21:20
Tweet
Comparti
Diaranzon atardi na bahada di solo habitante di cas sinta den veranda den caya Jose Geerman a wak
claramente con un auto a kibra nan cura y keda pega. Un dama coriendo un Honda CRV blanco bayendo
ariba probablemente a spanta di e bus di contrario y a hala mucho den banda y dal den acera pasa ranka
un fire hydrant por completo y kibra un cura di cas y keda pega.
E dama a baha bai bandona e sitio lagando e daño atras. Su casa a bin na e sitio y kier a para responsabel.
Polis a splike cu cos no ta bai asina y cu esencialmente loke a pasa ta un "hit&run". E homber a mustra
comprension y a jama su casa pa presenta na e sitio bek pa duna cuenta. Un trahador di WEB den su
oranan liber a purba na remedia e fluho di awa coriendo pero tawata envano. Danjo material ta bastante.
