Page 4 - KPA

Reaccion encuanto asistencia Policial na Buena Vista y asunto di
activista
Wednesday, 13 January 2016 21:39
Tweet

Comparti

Despues di haya e asistencia cu tabata tin na Buena Vista cu e activista Milton Ponson, a haya tambe e
otro reaccion cu a drenta relaciona cu e situacion andando. Aki e persona Niels Alderlieste a manda e
siguiente publicacion splicando y dunando su banda di medaya.

Riba Diadumingo 10 January un acto di delincuencia a wordo comete na cas di famia na barrio di Simeon
Antonio. Unda a ser constata pa cuerpo policial cu ongeveer 7’or di anochi delincuente a drenta cura di
cas, purba drenta e cas cu forsageo y ora e no a logra el a kibra bentana di cushina y hasi varios daño na e
propiedad manera por constata den e imagen nan. No contento cu esaki, e delincuente cu su acto di
vandalismo a probecha pa habri e awa di cas anto lage core pa varios ora te cu famia a yega bek cas y sera
e yabi di awa. E acto a wordo aprecia door di bisiña cu a wak tur e hechonan y constata cu e persona cu a
comete e acto ta un homber huurder di un apartamento den e mesun propiedad di e hecho nan. E persona
aki ta di nacionalidad Hulandés y di un edad considerable. E huurder aki no a hesitate pa drenta y hasi tur
e daño nan na su propio Landlord cu durante añas nan a dune hospedahe pa e por biba. Yiu di doño ta
haya hopi sospechoso cu bisiña pafo di e propiedad a tende y wak tur e vandalismo cu a pasa y a para
firme manera testigo dilanti di cuerpo policial riba e hechonan cu ya ta andando su caminda cerca
recherche di cuerpo policial y cu otro huurdo den e propiedad y su famia cu toevalig ta amigo di e
vandalista y cu nan ta biba diez meter for di e hecho no a tende nada, husando esaki di facil argumento pa
no testifica e hechonan dilanti di cuerpo policial. E Yiu di doño ta bon conoci na Simeon Antonio pa ta un
persona 100% na tino y hopi responsabel y ta pidi pa nan ta honesto y pa husticia prevalece. E ta haya un
falta di respet y un insulto cu e huurder cu ta bisa cu e no a scucha nada kier crea un polemica de social
media den e asunto priva aki y gaña pueblo di Aruba bisando cu yiu di doño no ta 100% na tino. Si e
meneer aki ta haya asina hopi fastioso pa biba den e propiedad lo mas normal y den full su derecho lo ta
pa e persona aki y su famia entrega e apartamento pacificame na e doño y busca otro caminda pa biba.
Asina tur hende por biba feliz y na paz. Den 5 aña cu nan tin bibando den e propiedad nunca el a acusa e
yui di doño di nada, y awor cu su amigo ta persigui pa husticia, awor si e ta gaña bisa cu yui di doño no ta
100% na tino.